fbpx

Type to search

Featured Technology

കേരളോത്സവം 2018: കലാ സാഹിത്യ മത്സരങ്ങൾ ആദ്യ ഘട്ടം ജൂൺ 21 ന് ആരംഭിക്കും

മനാമ: ബഹ്‌റൈന്‍ കേരളീയ സമാജം അംഗങ്ങള്‍ക്കും അസോസിയെറ്റ് അംഗങ്ങള്‍ക്കും മാത്രമായി സംഘടിപ്പിക്കുന്ന കേരളോത്സവത്തോടനുബന്ധിച്ച് കലാ സാഹിത്യ മത്സരങ്ങള്‍ സംഘടിപ്പിക്കുന്നു. ഇതിന്‍റെ ഭാഗമായി മലയാളം ഇംഗ്ലീഷ് ഭാഷകളില്‍ കവിത കഥ ഉപന്യാസ രചനാമത്സരങ്ങള്‍,പ്രസംഗ മത്സരങ്ങള്‍ പദ്യപാരായണം, ലളിതഗാനം,ചലച്ചിത്ര ഗാനം,മോണോ ആക്റ്റ് ,പെയിന്റിംഗ്,സിനിമാറ്റിക് ഡാന്‍സ് , ഫോക് ഡാന്‍സ്, ഭരതനാട്യം ,മോഹിനിയാട്ടം ,വെജിറ്റബിള്‍ കാര്‍വിംഗ് എന്നീ വ്യക്തിഗത ഇനങ്ങളിലെ മത്സരങ്ങള്‍ ആയിരിക്കും ആദ്യം നടത്തപ്പെടുക. മലയാള സമൂഹ ഗാനം ,സിനിമാറ്റിക് ഡാന്‍സ് ,മൈം, കഥാപ്രസംഗം. സ്കിറ്റ് എന്നീ ഗ്രൂപ്പ് ഇനങ്ങളിലുള്ള മത്സരങ്ങള്‍ രണ്ടാം ഘട്ടമായി ഒക്ടോബര്‍ അവസാന വാരം സംഘടിപ്പിക്കും.

കേരളോത്സവം ആദ്യ ഘട്ടം ജൂണ്‍ 21ന് ആരംഭിച്ച് ജൂണ്‍ 30ന് സമാപിക്കും.

കുട്ടികളുടെ കലാമാമാങ്കമായ ബാലകലോത്സവത്തിന്‍റെ വിജയകരമായ പരിസമാപ്തിക്ക് ശേഷം കേരളോത്സവം കലാ സാഹിത്യ മത്സരങ്ങള്‍ അംഗങ്ങള്‍ക്കും അസോസിയെറ്റ് അംഗങ്ങള്‍ക്കും അവരുടെ കലാസാഹിത്യ രംഗത്തെ സര്‍ഗാത്മക കഴിവുകള്‍ പ്രകടിപ്പിക്കുന്നതിനും മാറ്റ് ഉരയ്ക്കുന്നതിനും അവസരം ഒരുക്കുമെന്ന് സമാജം പ്രസിഡന്റ്‌ പി വി രാധാകൃഷ്ണ പിള്ള , ജനറല്‍സെക്രട്ടറി എം പി രഘു എന്നിവര്‍ പത്രകുറിപ്പിലൂടെ അറിയിച്ചു.

അപേക്ഷാ ഫോറത്തിനും കൂടുതല്‍ വിവരങ്ങള്‍ക്കും സമാജം ഓഫീസുമായോ (17251878) ജനറല്‍ കണ്‍വീനര്‍ ജയമോഹന്‍ 38881723 കണ്‍വീനര്‍ റെമു 33392403 കണ്‍വീനര്‍ സുനീഷ് 36674139 എന്നിവരുമായോ ബന്ധപ്പെടുക.

Tags:

You Might also Like

Leave a Comment

Your email address will not be published. Required fields are marked *

error: Content is protected !!