LOADING

Type to search

UAE

കുട്ടികള്‍ക്ക് യുഎഇ സന്ദർശിക്കുന്നതിനുള്ള സൗജന്യ വിസ നാളെ മുതല്‍

ദുബായ്: 18 വയസില്‍ താഴെയുള്ള കുട്ടികള്‍ക്ക് യുഎഇ സന്ദർശിക്കുന്നതിനുള്ള സൗജന്യ വിസ നാളെ മുതല്‍ അനുവദിക്കുമെന്ന് ഫെഡറല്‍ അതോരിറ്റി ഫോര്‍ ഐഡന്റിറ്റി ആന്റ് സിറ്റിസണ്‍ഷിപ്പ് അറിയിച്ചു. കൂടുതല്‍ പേരെ രാജ്യത്തേക്ക് ആകര്‍ഷിക്കാനാണ് യുഎഇ ഈ ആനുകൂല്യം നൽകുന്നത്. എല്ലാ വര്‍ഷവും ജൂലൈ 15 മുതല്‍ സെപ്തംബര്‍ 15 വരെയായിരിക്കും സൗജന്യ വിസ സൗകര്യം ഒരുക്കുക. കഴിഞ്ഞ വര്‍ഷം സെപ്തംബറിലാണ് കുട്ടികള്‍ക്ക് സൗജന്യ വിസ അനുവദിക്കാനുള്ള തീരുമാനം യുഎഇ എടുക്കുന്നത്.

ഓണ്‍ലൈന്‍ വഴി അപേക്ഷിക്കുമ്പോള്‍ ഒരാള്‍ക്ക് 14 ദിവസത്തെ എക്സ്‍പ്രസ് ടൂറിസ്റ്റ് വിസയ്ക്ക് 497 ദിര്‍ഹവും 30 ദിവസം കാലാവധിയുള്ള മള്‍ട്ടി എന്‍ട്രി ടൂറിസ്റ്റ് വിസയ്ക്ക് 917 ദിര്‍ഹവുമാണ് ഫീസ്. സൗജന്യ വിസ നടപ്പാക്കുന്ന ആദ്യ വർഷമാണിത്. വലിയതോതില്‍ വിദേശികളെത്താന്‍ സാധ്യത കുറവാണെന്നാണ് ട്രാവല്‍, ടൂറിസം രംഗങ്ങളില്‍ പ്രവര്‍ത്തിക്കുന്നവരുടെ വിലയിരുത്തല്‍.

Tags:

You Might also Like

error: Content is protected !!