മനാമ: കോഴിക്കോട് പേരാമ്പ്ര സ്വദേശി ബഹ്റൈനിൽ മരിച്ച നിലയിൽ. പേരാമ്പ്ര കോടേരിച്ചാലിൽ വടക്കേ എളോർ മീത്തൽ രജിൽരാജ്(33)നെയാണ് ബഹ്റൈനിൽ മരിച്ച നിലയിൽ കണ്ടെത്തിയത്. ആത്മഹത്യയെന്ന് സംശയിക്കുന്നു. ഗുദൈബിയയിലായിരുന്നു താമസം. ആറ് വർഷത്തോളമായി ബഹ്റൈനിൽ ഡ്രൈവറായി ജോലി ചെയ്യുകയായിരുന്നു.
പിതാവ് വടക്കേ എളോർ മീത്തൽ രാജൻ, അമ്മ സുലോചന. മൃതദേഹം സൽമാനിയി മോർച്ചറിയിൽ സൂക്ഷിച്ചിരിക്കുകയാണ്. നാട്ടിലേക്ക് കൊണ്ടുപോകുന്നതിനുളള ശ്രമങ്ങൾ നടക്കുന്നതായി സാമൂഹിക പ്രവർത്തകർ അറിയിച്ചു.