മനാമ: ബഹ്റൈൻ കിരീടാവകാശിയും പ്രധാനമന്ത്രിയുമായ HRH പ്രിൻസ് സൽമാൻ ബിൻ ഹമദ് ആൽ ഖലീഫയും ലുലു ഗ്രൂപ്പ് ഇൻറർനാഷണൽ ചെയർമാനും മാനേജിങ് ഡയറക്ടറുമായ എം.എ. യുസഫലിയും റിഫ പാലസിൽ കൂടിക്കാഴ്ച നടത്തി. പുതിയ വളർച്ചാ അവസരങ്ങൾ സൃഷ്ടിക്കുന്നതിനായി നിലവിലുള്ള ദേശീയ വിഭവങ്ങൾ ഫലപ്രദമായി ഉപയോഗപ്പെടുത്തണമെന്ന് ബഹ്റൈൻ പ്രധാനമന്ത്രി കൂടിക്കാഴ്ചയിൽ പറഞ്ഞു.
രാജ്യത്തിന്റെ സമ്പദ്വ്യവസ്ഥയിൽ സ്വകാര്യ മേഖലയുടെയും, ചില്ലറ വ്യാപാരികൾ, മൊത്തക്കച്ചവടക്കാർ എന്നിവരുടെയും പങ്ക് വലുതാണ്. കോവിഡ് -19 വ്യാപനം തടയാനുള്ള പ്രവർത്തനങ്ങളിലും സ്വകാര്യ മേഖല നിർണായക പങ്കുവഹിച്ചു. ദീർഘാകാലാടിസ്ഥാനത്തിലെ വികസനം ഉറപ്പാക്കാൻ ലഭ്യമായ വിഭവങ്ങൾ ഉപയോഗിച്ചുകൊണ്ടുള്ള സാമ്പത്തിക നടപടികൾക്കാണ് രാജ്യം ഊന്നൽ നൽകുന്നതെന്നും
അദ്ദേഹം പറഞ്ഞു. രാജ്യത്തിൻറെ സാമ്പത്തിക വളർച്ചയെ പ്രോത്സാഹിപ്പിക്കുന്നതിൽ പ്രധാനമന്ത്രിയുടെ പങ്ക് പ്രശംസനീയമാണെന്ന് എം.എ യുസഫലി വ്യക്തമാക്കി. ധനകാര്യ മന്ത്രി ശൈഖ് സൽമാൻ ബിൻ ഖലീഫ ആൽ ഖലീഫയും കൂടിക്കാഴ്ചയിൽ പങ്കെടുത്തു.
