മനാമ: മനാമ: ബഹ്റൈനില് കോവിഡ്-19 (കൊറോണ) വൈറസ് ബാധയേറ്റ 16 പേര്‍ കൂടി രോഗമുക്തരായി ആശുപത്രി വിട്ടു. കഴിഞ്ഞ ദിവസം ഒമ്പത് പേര്‍ രോഗമുക്തരായിരുന്നു. മാര്‍ച്ച് 14 ന് 1 മണിക്ക് ആരോഗ്യമന്ത്രാലയം പുറത്തുവിട്ട റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്. ഇതോടെ രാജ്യത്ത് ചികിത്സ പൂര്‍ത്തിയാക്കവരുടെ എണ്ണം 60ആയി ഉയര്‍ന്നു. കൊറോണയ്ക്കെതിരായ ബ്ഹ്റൈന്റെ പോരാട്ടം വിജയകരമാകുന്നതിന്റെ സൂചനയാണ് കൂടുതല്‍ രോഗികള്‍ ആശുപത്രി വിടുന്നത്.
നിലവില്‍ 67 പേര്‍ മാത്രമാണ് ചികിത്സയിലുള്ളത്. ഇതില്‍ രണ്ട് പേരൊഴിച്ച് നിര്‍ത്തിയാല്‍ എല്ലാവരുടെയും ആരോഗ്യനില തൃപ്തികരമാണ്. നേരത്തെ ഇറാനില്‍ നിന്ന് ബഹ്റൈനിലെത്തിച്ചവരില്‍ 84 പേര്‍ക്ക് കൊറോണ വൈറസ് സ്ഥിരീകരിച്ചിരുന്നു. ഇവര്‍ക്ക് പ്രത്യേകമായി ചികിത്സയാണ് ഏര്‍പ്പെടുത്തിയിരിക്കുന്നത്. ഇതില്‍ ആരുടെയും ആരോഗ്യനില ഗുരുതരമല്ല.
നേരത്തെ ബഹ്റൈനിലെത്തിയ രോഗബാധിതരും കഴിഞ്ഞ ദിവസം പ്രത്യേക വിമാനത്തിലെത്തിവരും ഉള്‍പ്പെടെ (67+84) 151 പേരാണ് ബഹ്റൈനിലെ കൊറോണ ബാധിതരായി ചികിത്സയിലുള്ളത്. നിലവില്‍ 10011 പേരുടെ പരിശോധനാ ഫലം നെഗറ്റീവാണ്. ആരോഗ്യ മന്ത്രാലയത്തിന്റെ നിര്‍ദേശങ്ങള്‍ കര്‍ശനമായി പാലിക്കണമെന്ന് നിര്‍ദേശം നല്‍കിയിട്ടുണ്ട്.
