മനാമ: ബഹ്‌റൈനില്‍ 150(ഉച്ചയ്ക്ക് 81, വൈകീട്ട് 69) പേര്‍ക്ക് കൂടി കോവിഡ്-19 സ്ഥിരീകരിച്ചു. ഇതില്‍ 101(ഉച്ചയ്ക്ക് 67, വൈകീട്ട് 34) പേര്‍ പ്രവാസി തൊഴിലാളികളാണ്. 48 പേര്‍ക്ക് രോഗം പടര്‍ന്നത് സമ്പര്‍ക്കത്തിലൂടെയാണ്. ഇതോടെ രാജ്യത്ത് ചികിത്സയില്‍ കഴിയുന്നവുടെ എണ്ണം 1781 ആയി. ചികിത്സയിലുള്ള ഒരാളുടെ ആരോഗ്യനില ഗുരുതരമാണ്.
അതേസമയം 26(ഉച്ചയ്ക്ക് 19, വൈകീട്ട് 07) പേര്‍ രോഗമുക്തരായിട്ടുണ്ട്. ഇതോടെ രാജ്യത്ത് സുഖം പ്രാപിച്ചവരുടെ എണ്ണം 1744 ആയി ഉയര്‍ന്നിട്ടുണ്ട്. ആരോഗ്യമന്ത്രാലയം ഇന്ന് (മെയ് 04, 08 pm) പുറത്തുവിട്ട റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്. ഇതുവരെ 149586 പേരാണ് ബഹ്‌റൈനില്‍ കോവിഡ് പരിശോധനക്ക് വിധേയമാക്കിയിരിക്കുന്നത്. പ്രതിരോധ പ്രവര്‍ത്തനങ്ങള്‍ ഊര്‍ജിതമായി തുടരുകയാണ്.
