മെയ് 26 മുതൽ ജൂൺ 1 വരെ ബഹ്റൈനിൽ നിന്നും കേരളത്തിലേക്ക് ദിനേന സർവീസുകളെന്ന് സൂചന; രണ്ടാം ഘട്ടത്തിലെ രണ്ടാം വിമാനം ഇന്ന് തിരുവനന്തപുരത്തേക്ക്

മനാമ: പ്ര​വാ​സി​ക​ളെ നാ​ട്ടി​ലെ​ത്തി​ക്കുന്നതിൻ്റെ ഭാഗമായി​ മൂ​ന്നാം ഘ​ട്ട​ത്തി​ൽ ബ​ഹ്​​റൈ​നി​ൽ​നി​ന്ന്​ കേ​ര​ള​ത്തി​ലേ​ക്ക്​ ദി​വ​സ​വും സ​ർ​വി​സ്​ ഉ​ണ്ടാ​കു​മെ​ന്ന്​ സൂ​ച​നകൾ. കൊ​ച്ചി​യി​ലേ​ക്കും കോ​ഴി​ക്കോട്ടേക്കും ഒ​ന്നി​ട​വി​ട്ട ദി​വ​സ​ങ്ങ​ളി​ലാ​യി​രി​ക്കും സ​ർ​വി​സ്. നിലവിൽ അവസരം നിഷേധിക്കപ്പെട്ട അർഹരായ കൂ​ടു​ത​ൽ ആ​ളു​ക​ൾ​ക്ക്​ നാ​ട്ടി​ലെ​ത്താ​ൻ ആശ്വാസമാകുന്നതാകും ഈ നീക്കം. മേ​യ്​ 26 മു​ത​ൽ ജൂ​ൺ ഒ​ന്നു​വ​രെ​യാ​ണ്​ മൂ​ന്നാം ഘ​ട്ടം സ​ർ​വി​സ്. ആ​ദ്യ ര​ണ്ടു​ ഘ​ട്ട​ങ്ങ​ളി​ൽ ബ​ഹ്​​റൈ​നി​ൽ​നി​ന്ന്​ കേരളത്തിലേക്കുള്ള മൂന്നെണ്ണമടക്കം ആ​കെ നാ​ലു​ സ​ർ​വി​സു​ക​ൾ മാ​ത്ര​മാ​ണ്​ ഉ​ണ്ടാ​യി​രു​ന്ന​ത്.

കൊ​ച്ചി, കോ​ഴി​ക്കോ​ട്, ഹൈ​ദ​രാ​ബാ​ദ്​ എ​ന്നി​വി​ട​ങ്ങ​ളി​ലേ​ക്കാ​ണ്​ ഇ​തു​വ​രെ സ​ർ​വി​സ്​ ന​ട​ത്തി​യ​ത്. തി​രു​വ​ന​ന്ത​പു​ര​ത്തേ​ക്കുള്ള വിമാനം ഇന്ന് പുറപ്പെടും. അ​ഞ്ചു​ കൈ​ക്കു​ഞ്ഞു​ങ്ങ​ൾ ഉ​ൾ​പ്പെ​ടെ 182 പേ​രാ​ണ്​ ഇന്ന് യാ​ത്ര തി​രി​ക്കു​ന്ന​ത്. ഒപ്പം തന്നെ ബഹ്റൈനിൽ കഴിഞ്ഞ ദിവസം മരണപ്പെട്ട സഞ്ജീവ് ശ്രീനിയുടെ മൃതദേഹവും ബന്ധുക്കളോടൊപ്പം ഇന്ന് തിരുവനന്തപുരം വിമാനത്തിൽ കൊണ്ടു പോകുന്നുണ്ട്. വന്ദേ ഭാരത് മിഷൻ വഴി ബഹ്റൈനിൽ നിന്നും കൊണ്ടു പോകുന്ന ആദ്യ മൃതദേഹമാണിതെന്ന് സാമൂഹിക പ്രവർത്തകൻ സുധീർ തിരുനിലത്ത് ബഹ്റൈൻ വാർത്തയോട് പറഞ്ഞു.

ആ​ദ്യ​ഘ​ട്ട​ത്തി​ൽ ഒ​മ്പ​ത്​ കൈ​ക്കു​ഞ്ഞു​ങ്ങ​ൾ ഉ​ൾ​പ്പെ​ടെ 366 പേ​രാ​ണ്​ നാ​ട്ടി​ലേ​ക്ക്​ പോ​യ​ത്. ര​ണ്ടാം ഘ​ട്ട​ത്തി​ൽ ​ഒ​രു കൈ​ക്കു​ഞ്ഞു​ൾ​പ്പെ​ടെ 175 പേ​ർ ചൊ​വ്വാ​ഴ്​​ച ഹൈ​ദ​രാ​ബാ​ദി​​ലേ​ക്ക്​ പോ​യി. നാ​ട്ടി​ലേ​ക്ക്​ പോ​കാ​ൻ ഇ​ന്ത്യ​ൻ എം​ബ​സി​യി​ൽ 20000 ഓളം പേർ ര​ജി​സ്​​റ്റ​ർ ചെ​യ്​​തി​രി​ക്കേ ആ​വ​ശ്യ​മാ​യ വി​മാ​ന സ​ർ​വി​സ്​ ഏ​ർ​പ്പെ​ടു​ത്താ​ത്ത​ത്​ പ്ര​തി​ഷേ​ധ​ത്തി​നി​ട​യാ​ക്കി​യി​രു​ന്നു. ഗർഭിണികളും രോഗികളും തൊഴിൽ നഷ്ടം വന്ന് ദുരിതത്തിലായവരും ഉൾപ്പടെ നിരവധി പേരാണ് ഇനിയും അവസരങ്ങൾക്കായി പ്രതീക്ഷയോടെ കാത്തിരിക്കുന്നത്.