മനാമ: മലയാളി മംസ് മിഡില്‍ ഈസ്റ്റ് ബഹ്‌റൈന്‍ ചാപ്റ്റര്‍ തിരുവോണത്തോടനുബന്ധിച്ച് നടത്തിയ പായസം മത്സരത്തിലെ വിജയികളെ പ്രഖ്യാപിച്ചു. ആദിയ നബീല്‍ ഒന്നാം സ്ഥാനവും ജംഷന രണ്ടാം സ്ഥാനവും നേടി. സിയാന സമീര്‍, സോണിയ വിനു എന്നിവര്‍ മൂന്നാം സ്ഥാനം പങ്കിട്ടു. സുബൈര്‍ ട്രേഡിങ് മാളുസ് ഫുഡ്‌സ് ആണ് വിജയികള്‍ക്കുള്ള സമ്മാനം സ്‌പോണ്‍സര്‍ ചെയ്തത്.
മലയാളി മംസ് അഡ്മിന്‍സ് ഷഫീല യാസിര്‍, ദേവി അമൃത് എന്നിവര്‍ വിജയികള്‍ക്ക് അഭിനന്ദനങ്ങള്‍ അറിയിച്ചു. ഷെറിന്‍, ഷൈമ പ്രജീഷ്, എന്നിവര്‍ ഉപഹാരവും സര്‍ട്ടിഫിക്കറ്റ് നല്‍കി. ഷബ്ന, ഷിഫാ എന്നിവര്‍ പങ്കെടുത്തവര്‍ക്ക് നന്ദിയും രേഖപ്പെടുത്തി
