മനാമ: ബഹ്‌റൈന്‍ പ്രധാനമന്ത്രി ഹിസ് റോയല്‍ ഹൈനസ് പ്രിന്‍സ് ഖലീഫ ബിന്‍ സല്‍മാന്‍ അല്‍ ഖലീഫ അന്തരിച്ചു. ഇന്ന് രാവിലെയോടെ അമേരിക്കയിലെ മയോ ക്ലിനിക് ആശുപത്രിയില്‍ വെച്ചായിരുന്നു അന്ത്യം. നേരത്തെ അസുഖ ബാധിതനായതിനെ തുടര്‍ന്ന് അമേരിക്കയില്‍ ചികിത്സ തേടിയിരുന്നു.
മൃതദേഹം ഔദ്യോഗിക ബഹുമതികളോടെ ബഹ്‌റൈനിലെത്തിക്കും. ഖബറടക്കം സംബന്ധിച്ച വിവരങ്ങള്‍ പിന്നീട് അറിയിക്കും. ചടങ്ങുകളില്‍ അടുത്ത ബന്ധുക്കള്‍ മാത്രമായിരിക്കും പങ്കെടുക്കുകയെന്നാണ് ബഹ്‌റൈന്‍ ഔദ്യോഗിക മാധ്യമം റിപ്പോര്‍ട്ട് ചെയ്തിരിക്കുന്നത്. രാജാവ് ഹിസ് മജസ്റ്റി ഹമദ് ബിന്‍ ഇസ അല്‍ ഖലീഫ അനുശോചനം രേഖപ്പെടുത്തിയിട്ടുണ്ട്.
