ബഹ്‌റൈനിൽ സ്വദേശികളേക്കാൾ കൂടുതൽ പ്രവാസികൾ, സ്ത്രീ​ക​ളേ​ക്കാ​ൾ കൂ​ടു​ത​ൽ പു​​രു​ഷ​ന്മാ​ർ: ഏറ്റവും പുതിയ കണക്കുകൾ ഇങ്ങനെ

മ​നാ​മ: ബ​ഹ്​​റൈ​നി​ൽ പ്രവാസികളുടെ എണ്ണം സ്വദേശികളേക്കാൾ കൂടുതലെന്ന്‌ കണക്കുകൾ. ​ഇൻ​ഫ​ർ​മേ​ഷ​ൻ ആ​ൻ​ഡ്​ ഇ-​ഗ​വ​ൺ​മെ​ന്‍റ്​ അ​തോ​റി​റ്റി പു​റ​ത്തു​വി​ട്ട 2021ലെ ​ക​ണ​ക്ക​നു​സ​രി​ച്ച്​ രാ​ജ്യ​ത്തെ ജ​ന​സം​ഖ്യ 1,504,365 ആ​ണ്. ഇവരിൽ 47.8 ശ​ത​മാ​നം (719,333) ആ​ണ്​ ബ​ഹ്​​റൈ​നി​ക​ൾ. 52.2 ശ​ത​മാ​നം (785,032) പേ​ർ പ്ര​വാ​സി​ക​ളാ​ണ്. പ്രവാസികളിൽ 50 ശതമാനത്തിൽ അധികവും 30 നും 50 നും ഇടയിൽ പ്രായമുള്ളവരാണ്.

ഒപ്പം തന്നെ രാജ്യത്തെ പു​രു​ഷ​ന്മാ​രു​ടെ എ​ണ്ണം സ്ത്രീ​ക​ളു​ടേ​തി​നേ​ക്കാ​ൾ കൂ​ടു​ത​ലെന്നും കണക്കുകൾ സൂചിപ്പിക്കുന്നു. 2012 മു​ത​ൽ രാജ്യത്ത് തുടരുന്ന പ്രവണതക്കാണ് ഇ​ത്ത​വ​ണ​യും മാ​റ്റ​മി​ല്ലെന്ന് തെളിയിക്കുന്നത്‌. ഏറ്റവും പുതിയ കണക്കുകൾ പ്രകാരം രാജ്യത്തെ ആകെ ജനസംഖ്യയിൽ 925,747 പേ​ർ പുരു​ഷ​ന്മാ​രും 578,618 ​പേ​ർ സ്ത്രീ​ക​ളു​മാ​ണ്.

സ്വദേശി ജനസംഖ്യയിൽ 364891 പുരുഷന്മാരും 354442 സ്ത്രീകളും ആകുമ്പോൾ പ്രവാസികളിൽ 560856 പുരുഷന്മാരും 224176 സ്ത്രീകളുമാണുള്ളത്.

ഏ​റ്റ​വും കൂ​ടു​ത​ൽ ജ​ന​സാ​ന്ദ്ര​ത​യു​ള്ള​ത്​ കാ​പി​റ്റ​ൽ ഗ​വ​ർ​ണ​റേ​റ്റി​ലാ​ണ്. 538,965 പേ​രാ​ണ്​ കാ​പി​റ്റ​ൽ ഗ​വ​ർ​ണ​റേ​റ്റ്​ പ​രി​ധി​യി​ൽ താ​മ​സം. നോ​ർ​തേ​ൺ ഗ​വ​ർ​ണ​റേ​റ്റി​ൽ 396,779 പേ​രും സ​തേ​ൺ ഗ​വ​ർ​ണ​റേ​റ്റി​ൽ 305,191 പേ​രും മു​ഹ​റ​ഖ്​ ഗ​വ​ർ​ണ​റേ​റ്റി​ൽ 263,430 പേ​രു​മാ​ണ്​ താ​മ​സം. പ്രവാസികളിൽ ബഹു ഭൂരിഭാഗവും ക്യാപിറ്റൽ ഗവർണറേറ്റിലാണ് വസിക്കുന്നത്. ക്യാപിറ്റൽ, സതേൺ ഗ​വ​ർ​ണ​റേ​റ്റുകളിൽ പ്രവാസികളും നോ​ർ​തേ​ൺ, മു​ഹ​റ​ഖ്​ ഗ​വ​ർ​ണ​റേ​റ്റുകളിൽ സ്വദേശികളുമാണ് ഭൂരിപക്ഷം.

2020ൽ ​രാ​ജ്യ​ത്തെ ജ​ന​സം​ഖ്യ 1,472,204 ആ​യി​രു​ന്നു. ഇ​തി​ൽ 925,036 പേ​ർ പു​രു​ഷ​ന്മാ​രും 547,168 പേ​ർ സ്ത്രീ​ക​ളു​മാ​യിരുന്നു. 2032 ആ​കു​മ്പോ​ൾ രാ​ജ്യ​ത്തെ ജ​ന​സം​ഖ്യ 20 ല​ക്ഷം ക​വി​യു​മെ​ന്നാ​ണ്​ ക​ണ​ക്കാ​ക്കു​ന്ന​ത്.