മനാമ: ഇന്ത്യൻ സോഷ്യൽ ഫോറം ഫുട്ബോൾ ക്ലബ് സംഘടിപ്പിച്ച നാലാമത് റോളിങ് ട്രോഫിക്കു വേണ്ടിയുള്ള ഫുട്ബോൾ ടൂർണമെന്റ് ഹൂറയിൽ ഉള്ള അൽതീൽ ഗ്രൗണ്ടിൽ വിപുലമായ ചടങ്ങുകളോടെ സമാപിച്ചു.
സൽമാനിയ മെഡിക്കൽ കോംപ്ലക്സ് ആക്‌സിഡന്റ് & എമർജൻസി ചീഫ് Dr. പീ .വി.ചെറിയാൻ ഉത്ഘാടനം നിർവഹിച്ച ടൂർണമെന്റ് നാലു ദിവസം നീണ്ടു നിന്നു. ബഹ്‌റൈനിലെ പ്രഗത്ഭരായ ഫുട്ബോൾ ക്ലബ്ബുകളുടെ പങ്കാളിത്തം കൊണ്ട് ടൂർണമെന്റ് വളരെയധികം ശ്രദ്ധേയമായി.
നാലാമത് റോളിങ്ങ് ട്രോഫി അൽ കേരളാവി എഫ് സിയും റണ്ണേഴ്സ് ട്രോഫി മറീന എഫ് സിയും നേടി. വെറ്ററൻ ഫുട്ബോൾ മത്സരത്തിൽ എം ജെ ഡി സാൽസറ്റ് ഫുട്ബോൾ ക്ലബ് കപ്പ് കരസ്തമാക്കിയപ്പോൾ കേരളാ യുണൈറ്റഡ് ഫുട്ബോൾ ക്ലബ് റണ്ണേഴ്സ് ട്രോഫി കരസ്തമാക്കി.
സമാപന ചടങ്ങിന്റെ ഉദ്ഘാടനം ക്യാപിറ്റൽ ഗവെർണറേറ്റ് ഡയറക്ടർ ഫോർ ഇൻഫർമേഷൻ & ഫോളോ അപ്പ്‌ ഹെഡ് യൂസുഫ് ലോറി നിർവഹിച്ചു.
ഇന്ത്യൻ സോഷ്യൽ ഫോറം ജനറൽ സെക്രട്ടറി റഫീഖ് അബ്ബാസ് അധ്യക്ഷനായ ചടങ്ങിൽ ബഹ്റൈൻ മുൻ ദേശീയ ഫുട്ബാൾ താരം ഹമദ്‌ മുഹമ്മദ്‌, ബഹ്‌റൈനിലെ പ്രമുഖരായ സാമൂഹിക, സാംസ്കാരിക വ്യക്തിത്വങ്ങളായ ആന്റണി, ജവാദ് പാഷ, ഫ്രാൻസിസ് കൈത്താരത്തു, എബ്രഹാം ജോൺ, നിസാർ കൊല്ലം, റൗഫ് ഫുഡ്‌ സിറ്റി എന്നിവർ ആശംസകൾ അറിയിച്ചു. കമ്മിറ്റി അംഗങ്ങളായ അബൂബക്കർ സിദ്ധീഖ്, റഷീദ് സായിദ്, യൂസഫ് അലി, സൈഫ് അഴീക്കോട്, മുഹമ്മദലി റാണ, നവാസ്, അത്താവുള്ള, ഇർഫാൻ, അസീർ പാപ്പിനിശ്ശേരി, അസീസ് അബ്ബാസ് ഇന്ത്യൻ സോഷ്യൽ ഫോറം ക്ലബ് അംഗങ്ങളായ മുസ്തഫ ടോപ്മാൻ, ആർ വി ലത്തീഫ്, ഹംസ വല്ലപ്പുഴ, നിയാസ് തെയ്യൻ എന്നിവർ നേതൃത്വം കൊടുത്തു.
