മനാമ: വെള്ളിയാഴ്ച തിന്മയുടെ ശക്തികൾ ദൈവപുത്രനെ ക്രൂശിച്ചു എങ്കിൽ ഞായറാഴ്ച ആ സത്യം ഉയിർത്തെഴുന്നേറ്റു. ഈ വർഷത്തെ ഉയിർപ്പു ശുശ്രൂഷ ഏപ്രിൽ 8-ാം തീയതി വൈകിട്ട് 7 മണിക്ക് മാർത്തോമ്മാ കോംപ്ലക്സിൽ മലങ്കര മാർത്തോമ്മാ സുറിയാനി സഭയുടെ മേലദ്ധ്യക്ഷൻ അഭിവന്ദ്യ ഡോ. തിയഡോഷ്യസ് മാർത്തോമ്മയുടെ മുഖ്യ കാർമ്മികത്വത്തിൽ നടത്തപ്പെട്ടു.
ഇടവക വികാരി റവ. ഡേവിഡ് വർഗ്ഗീസ് ടൈറ്റസ് , സഹവികാരി റവ. ബിബിൻസ് മാത്യൂസ് ഓമനാലി , മെത്രാപ്പോലീത്തയുടെ ചാപ്ളിൻ റവ. ബ്ലെസൻ ഫിലിപ്പ് തോമസ് എന്നീ വൈദീകർ മെത്രാപ്പൊലീത്തായോടപ്പം ശുശ്രൂഷകൾക്ക് സഹകാർമ്മികത്വം നിർവഹിച്ചു.1500 പരം വിശ്വാസികൾ പ്രാർത്ഥനാപൂർവ്വം ശുശ്രൂഷകളിൽ പങ്കെടുത്തു .
