കെ.സി.ഇ.സി. സൺഡേ സ്കൂള്‍ മത്സരങ്ങളില്‍ സെന്റ് മേരീസിന് ഓവറോള്‍ കിരീടം

മനാമ: ബഹ്‌റൈനിലെ ക്രിസ്ത്യൻ എപ്പിസ്കോപ്പൽ സഭകളുടെ കൂട്ടായ്മ ആയ കേരളാ ക്രിസ്ത്യൻ എക്യൂമിനിക്കൽ കൗൺസിലിന്റെ (കെ. സി. ഇ. സി.) നേത്യത്വത്തില്‍ നടത്തിയ ഇന്റർ ചര്‍ച്ച് സൺഡേ സ്കൂള്‍ മത്സരങ്ങളുടെ ഓവറോള്‍ കിരീടം ബഹ്‌റൈൻ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തീഡ്രലിലെ കുട്ടികള്‍ കരസ്ഥമാക്കി. വിജയികളെ സഹ വികാരി റവ. ഫാദര്‍ ജേക്കബ് തോമസ് കാരയ്ക്കല്‍, സൺഡേ സ്കൂള്‍ ഹെഡ് മാസ്റ്റര്‍ ജോര്‍ജ്ജ് വര്‍ഗ്ഗീസ്, അസിസ്റ്റൻ്റ് ഹെഡ്മിസ്ട്രസ്സ് ഡാർലി റെബേക്ക കോശി, സ്റ്റാഫ് സെക്രട്ടറി അനീഷ് ദാനിയേൽ മറ്റ് അധ്യാപകര്‍ എന്നിവര്‍ അഭിനന്ദിച്ചു.