ഹമദ് രാജാവ് യു.എൻ സെക്രട്ടറി ജനറലുമായി കൂടിക്കാഴ്ച നടത്തി

മ​നാ​മ: രാ​ജാ​വ്​ ഹ​മ​ദ്​ ബി​ൻ ഈ​സ ആ​ൽ ഖ​ലീ​ഫ യു.​എ​ൻ സെ​ക്ര​ട്ട​റി ജ​ന​റ​ൽ അന്റോണി​യോ ഗു​ട്ടെ​റ​സു​മാ​യി കൂ​ടി​ക്കാ​ഴ്ച ന​ട​ത്തി. 33ാമ​ത്​ അ​റ​ബ്​ ഉ​ച്ച​കോ​ടി​യി​ൽ പ​​ങ്കെ​ടു​ക്കാ​നെ​ത്തി​യ​താ​യി​രു​ന്നു അ​ദ്ദേ​ഹം. സ​ഖീ​ർ പാ​ല​സി​ൽ ന​ട​ന്ന കൂ​ടി​ക്കാ​ഴ്ച​യി​ൽ ബ​ഹ്​​റൈ​നും യു.​എ​ന്നും ത​മ്മി​ൽ നി​ല​നി​ൽ​ക്കു​ന്ന ബ​ന്ധ​വും സ​ഹ​ക​ര​ണ​വും ച​ർ​ച്ച​യാ​യി. യു.​എ​ൻ പ​ദ്ധ​തി​ക​ൾ ന​ട​പ്പാ​ക്കു​ന്ന​തി​ൽ ബ​ഹ്​​റൈ​ന്‍റെ താ​ൽ​പ​ര്യ​ത്തെ ഗു​ട്ടെ​റ​സ് പ്ര​ത്യേ​കം എ​ടു​ത്തു പ​റ​ഞ്ഞു.

മേ​ഖ​ല​യി​ലെ​യും അ​ന്താ​രാ​ഷ്​​ട്ര ത​ല​ത്തി​ലെ​യും വി​വി​ധ വി​ഷ​യ​ങ്ങ​ളും അ​വ പ​രി​ഹ​രി​ക്കു​ന്ന​തി​ന്​ സ്വീ​ക​രി​ച്ചു കൊ​ണ്ടി​രി​ക്കു​ന്ന മാ​ർ​ഗ​ങ്ങ​ളും ച​ർ​ച്ച​യി​ൽ ഉ​യ​ർ​ന്നു. വി​വി​ധ രാ​ജ്യ​ങ്ങ​ൾ​ക്കും ജ​ന​വി​ഭാ​ഗ​ങ്ങ​ൾ​ക്കു​മി​ട​യി​ൽ ബ​ന്ധ​ങ്ങ​ൾ ഊ​ഷ്​​മ​ള​മാ​ക്കാ​നും സം​ഘ​ർ​ഷ​ങ്ങ​ൾ​ക്കും യു​ദ്ധ​ങ്ങ​ൾ​ക്കും പ​ക​രം സ​മാ​ധാ​ന​വും സു​ര​ക്ഷി​ത​ത്വ​വും സാ​ധ്യ​മാ​ക്കാ​നു​മു​ള്ള യു.​എ​ന്നി​ന്‍റെ ​​ശ്ര​മ​ങ്ങ​ൾ​ക്ക്​ പൂ​ർ​ണ പി​ന്തു​ണ​യു​ണ്ടാ​കു​മെ​ന്ന്​ ഹ​മ​ദ്​ രാ​ജാ​വ്​ അ​റി​യി​ച്ചു.

യു.​എ​ൻ ന​ട​ത്തി​ക്കൊ​ണ്ടി​രി​ക്കു​ന്ന മു​ഴു​വ​ൻ ​​പ്ര​വ​ർ​ത്ത​ന​ങ്ങ​ളും സ​ജീ​വ​മാ​യി തു​ട​രാ​നും അ​തി​ന്​ നേ​തൃ​പ​ര​മാ​യ പ​ങ്ക്​ വ​ഹി​ച്ചു മു​ന്നോ​ട്ടു​പോ​കാ​നും ഗു​ട്ടെ​റ​സി​ന്​ സാ​ധ്യ​മാ​ക​​ട്ടെ​​​​യെ​ന്നും ഹ​മ​ദ്​ രാ​ജാ​വ്​ ആ​​ശം​സി​ച്ചു.

ത​നി​ക്ക്​ ന​ൽ​കി​യ മ​നം നി​റ​ഞ്ഞ സ്വീ​ക​ര​ണ​ത്തി​നും ആ​തി​ഥ്യ മ​ര്യാ​ദ​ക്കും ഗു​ട്ടെ​റ​സ്​ പ്ര​ത്യേ​കം ന​ന്ദി ഹ​മ​ദ്​ രാ​ജാ​വി​ന്​ പ്ര​കാ​ശി​പ്പി​ക്കു​ക​യും ചെ​യ്​​തു. വ​രും കാ​ല​ങ്ങ​ളി​ൽ കൂ​ടു​ത​ൽ സ​ഹ​ക​ര​ണ​ത്തോ​ടെ മു​ന്നോ​ട്ടു പോ​കാ​ൻ സാ​ധി​ക്കു​മെ​ന്ന പ്ര​തീ​ക്ഷ​യും ഇ​രു​വ​രും പ​ങ്കു​വെ​ച്ചു.