മനാമ: കത്തോലിക്കാ സഭയുടെ പരമാധികാരിയായ ഫ്രാന്‍സിസ് മാര്‍പ്പാപ്പയുടെ വിയോഗത്തില്‍ മാര്‍പാപ്പയുടെ ദിവ്യമായ ഓര്‍മ്മകള്‍ക്കായി, അദ്ദേഹത്തിന് ആദരാഞ്ജലികള്‍ അര്‍പ്പിക്കുന്നതിന്റെ ഭാഗമായി, കെ.സി.എ അനുശോചന സമ്മേളനം സംഘടിപ്പിക്കുന്നു.
സമാധാനത്തിന്റെയും ദയയുടെയും സ്‌നേഹത്തിന്റെയും പ്രതീകമായിരുന്ന മാര്‍പാപ്പയുടെ ജീവിതം മാനവ ലോകത്തിന് വലിയ പ്രചോദനമായിരുന്നുവെന്ന് ഭാരവാഹികള്‍ അറിയിച്ചു. ഏപ്രില്‍ 24 രാത്രി എട്ടിന് കെസിഎ വികെഎല്‍ ഹാളില്‍ വച്ച് നടക്കുന്ന ചടങ്ങില്‍ ബഹ്‌റൈനിലെ പ്രമുഖ സാമൂഹ്യ പ്രവര്‍ത്തകരും സംഘടന പ്രതിനിധികളും മത നേതാക്കളും പങ്കെടുക്കും.
