മനാമ: ബഹ്റൈനില്‍ എത്തിയ കൊല്ലം കത്തോലിക്കാ രൂപതയുടെ ആദരണീയനായ ബിഷപ്പ് ഡോ. പോള്‍ ആന്റണി മുല്ലശ്ശേരിയ്ക്ക് കൊല്ലം പ്രവാസി അസോസിയേഷനും, കേരള കാത്തലിക് അസോസിയേഷനും ചേര്‍ന്ന് പൗരസ്വീകരണം നല്‍കി. കെ.സി.എ ഹാളില്‍ നടന്ന ചടങ്ങില്‍ കെ.സി.എ പ്രസിഡന്റ് ജെയിംസ് ജോണ്‍ അധ്യക്ഷത വഹിച്ചു. കെ.പി.എ ജനറല്‍ സെക്രട്ടറി പ്രശാന്ത് പ്രബുദ്ധന്‍ സ്വാഗതം പറഞ്ഞ ചടങ്ങില്‍, കെ.പി.എ വൈസ് പ്രസിഡന്റ് കൊയ്വിള മുഹമ്മദ് കുഞ്ഞ് ബിഷപ്പ് ഡോ. പോള്‍ ആന്റണി മുല്ലശ്ശേരിയ്ക്ക് കെ.പി.എയുടെ ഉപഹാരം നല്‍കി ആദരിച്ചു.
കെ.സി.എ ജനറല്‍ സെക്രട്ടറി വിനു ക്രിസ്ടി, കെ.പി.എ രക്ഷാധികാരിയും ഇന്ത്യന്‍ സ്‌കൂള്‍ മുന്‍ ചെയര്‍മാനും ആയ പ്രിന്‍സ് നടരാജന്‍, കെ.പി.എ സ്ഥാപക പ്രസിഡന്റ് നിസാര്‍ കൊല്ലം, കെ.സി.എ സ്‌പോണ്‍സര്‍ഷിപ്പ് ചെയര്‍മാന്‍ എബ്രഹാം ജോണ്‍, കെ.സി.എ കോര്‍ കമ്മിറ്റി ചെയര്‍മാന്‍ അരുള്‍ ദാസ് തോമസ്, കെ.പി.എ സെക്രട്ടറി അനില്‍കുമാര്‍, കെ.പി.എ സെക്രട്ടറി രജീഷ് പട്ടാഴി എന്നിവര്‍ ആശംസകള്‍ അറിയിച്ചു.
കെ.പി.എ സ്ഥാപക ജനറല്‍ സെക്രട്ടറി ജഗത് കൃഷ്ണകുമാര്‍ കെ.പി.എയുടെ വിളക്കുമരം സുവനീറും ആപ്പിള്‍ തങ്കശ്ശേരി താന്‍ വരച്ച പിതാവിന്റെ ചിത്രവും ബിഷപ്പിനു കൈമാറി. കെ.പി.എ രക്ഷാധികാരികളായ ബിനോജ് മാത്യു, ചന്ദ്ര ബോസ്, കെ.പി. എ സെന്‍ട്രല്‍ കമ്മിറ്റി, ജില്ലാ കമ്മിറ്റി, പ്രവാസി ശ്രീ അംഗങ്ങള്‍, കെ.പി.എ കുടുംബാംഗങ്ങള്‍, കെ.സി.എ കുടുംബാംഗങ്ങള്‍ ചടങ്ങില്‍ സംബന്ധിച്ചു. സൃഷ്ടി കലാകാരന്മാരുടെ കലാപരിപാടികളും അരങ്ങേറി.
