മനാമ: നാളെ രാവിലെ ഒമ്പത് മണിക്ക് ബഹ്റൈനില്‍ ഉടനീളം അടിയന്തര സൈറണുകളുടെ പരിശോധന നടക്കുമെന്ന് സിവില്‍ ഡിഫന്‍സ് അറിയിച്ചു. സൈറണുകള്‍ ശരിയായി പ്രവര്‍ത്തിക്കുന്നുണ്ടെന്നും കഴിയുന്നത്ര ആളുകള്‍ക്ക് അത് കേള്‍ക്കാന്‍ സാധിക്കുമെന്നും ഉറപ്പാക്കുന്നതിനുള്ള ഒരു പതിവ് പരിശോധന മാത്രമാണിത്. ആരും ആശങ്കപ്പെടെണ്ടതില്ലെന്ന് സിവില്‍ ഡിഫന്‍സ് അറിയിച്ചു.
ഏത് അടിയന്തര സാഹചര്യത്തിനും തയ്യാറായിരിക്കാനുള്ള സര്‍ക്കാരിന്റെ പദ്ധതിയുടെ ഭാഗമാണ് ഈ ഡ്രില്‍ എന്ന് ക്രൈസിസ് ആന്‍ഡ് ഡിസാസ്റ്റര്‍ മാനേജ്മെന്റ് മേധാവി മേജര്‍ ഹമദ് സബാഹ് അല്‍-സോവാര്‍ വിശദീകരിച്ചു. ഈ ഡ്രില്‍ യഥാര്‍ത്ഥ അടിയന്തര സാഹചര്യങ്ങളില്‍ എല്ലാവരെയും ശാന്തമായും സുരക്ഷിതമായും പ്രതികരിക്കാന്‍ സഹായിക്കുന്നതാണ്.
എന്തെങ്കിലും അടിയന്തര സാഹചര്യമുണ്ടായാല്‍ സൈറണ്‍ രണ്ടുതവണ മുഴങ്ങും. ആദ്യ സൈറണ്‍ വീടിനുള്ളില്‍ പോകാനും തുറന്ന സ്ഥലങ്ങളില്‍ നിന്ന് വിട്ടുനില്‍ക്കാനുമുള്ള മുന്നറിയിപ്പാണ്. രണ്ടാമത്തെ സൈറണ്‍ എല്ലാം വീണ്ടും സുരക്ഷിതമാണെന്ന് അര്‍ത്ഥമാക്കുന്നതാണ്.
സൈറണ്‍ കേള്‍ക്കുമ്പോള്‍ നിര്‍ദേശിച്ചത് പോലെ എല്ലാവരും പ്രതികരിക്കണമെന്ന് മേജര്‍ അല്‍-സോവാര്‍ അറിയിച്ചു. നാഷണല്‍ സിവില്‍ പ്രൊട്ടക്ഷന്‍ പ്ലാറ്റ്ഫോമില്‍ സഹായകരമായ നിര്‍ദേശങ്ങള്‍ ലഭ്യമാണ്. എല്ലാവരെയും സുരക്ഷിതരാക്കാനുമുള്ള ബഹ്റൈന്റെ ശ്രമങ്ങളുടെ ഭാഗമാണ് ഈ പരിശോധന.
