മനാമ: ബഹ്‌റൈന്‍ സമ്മര്‍ ടോയ് ഫെസ്റ്റിവല്‍ രണ്ടാം പതിപ്പിന് തുടക്കം. ഫെസ്റ്റിവല്‍ ഓഗസ്റ്റ് 5 വരെ എക്‌സിബിഷന്‍ വേള്‍ഡ് ബഹ്‌റൈനില്‍ നടക്കും. ഈ വര്‍ഷത്തെ ഫെസ്റ്റിവല്‍ മുന്‍ പതിപ്പിന്റെ ഇരട്ടി വലുപ്പമുള്ളതാണെന്ന് സംഘാടകരായ ബഹ്‌റൈന്‍ ടൂറിസം ആന്‍ഡ് എക്‌സിബിഷന്‍സ് അതോറിറ്റി ചീഫ് എക്‌സിക്യൂട്ടീവ് സാറ ബുഹിജി പറഞ്ഞു.
ഫെസ്റ്റിവലില്‍ പ്രത്യേക അതിഥിയായി പങ്കെടുക്കുന്ന താരിഖ് അല്‍-അറബി ടൂര്‍ഗെയ്ന്‍ പ്രശസ്ത കാര്‍ട്ടൂണ്‍ സിനിമകളിലെ ഗാനങ്ങള്‍ ആലപിക്കും. സന്ദര്‍ശകര്‍ക്ക് അറബിയിലും ഇംഗ്ലീഷിലും സ്റ്റേജ് ഷോകള്‍, തത്സമയ പ്രകടനങ്ങള്‍, ക്രിയേറ്റീവ് വര്‍ക്ക്‌ഷോപ്പുകള്‍, ഗെയിമിങ് സോണുകള്‍ എന്നിവ ആസ്വദിക്കാം.
