മനാമ: പത്തനംതിട്ട തിരുവല്ല സ്വദേശിയെ ബഹ്‌റൈനിലെ താമസസ്ഥലത്ത് മരിച്ച നിലയില്‍ കണ്ടെത്തി. വിനയ കൃഷ്ണന്‍ (32) നെയാണ് മരിച്ച നിലയില്‍ കണ്ടെത്തിയത്. കഴിഞ്ഞ അഞ്ചു വര്‍ഷമായി ബഹ്‌റൈനില്‍ ജോലി ചെയ്യുകയായിരുന്നു.
വിനയ കൃഷ്ണന്‍ ഇതുവരെ അവധിക്കായി നാട്ടില്‍ പോയിട്ടില്ലെന്നാണ് ബന്ധപ്പെട്ടവര്‍ അറിയിച്ചത്. ഭാര്യ: അതുല്യ. മകന്‍: ഹേമന്ത്. മൃതദേഹം നാട്ടില്‍ കൊണ്ടു പോകാനുള്ള നടപടികള്‍ സാമൂഹിക പ്രവര്‍ത്തകരുടെ നേതൃത്വത്തില്‍ ചെയ്തു വരുന്നു.
