മനാമ: ബഹ്‌റൈനിലേക്ക് വരുന്ന യാത്രക്കാര്‍ക്ക് ഇനിമുതല്‍ പരിമിതമായ അളവില്‍ മാംസം, മൃഗത്തീറ്റ, വളര്‍ത്തുമൃഗങ്ങളുടെ ഭക്ഷണം എന്നിവ ഇറക്കുമതി ലൈസന്‍സോ മറ്റ് വെറ്ററിനറി സര്‍ട്ടിഫിക്കറ്റുകളോ ഇല്ലാതെ കൊണ്ടുവരാം. മുനിസിപ്പാലിറ്റി കാര്യ, കൃഷി മന്ത്രി വെയ്ല്‍ അല്‍ മുബാറക്കാണ് പുതിയ തീരുമാനം പുറത്തിറക്കിയത്.
വ്യക്തിപരമായ ആവശ്യങ്ങള്‍ക്കായി കൊണ്ടുവരുന്ന ഉല്‍പന്നങ്ങള്‍ക്കാണ് ഈ ഇളവ് ലഭിക്കുക. രണ്ട് ആടുകളുടെയോ ആട്ടിന്‍കുട്ടികളുടെയോ മാംസം, 40 കിലോ മാംസം, മൃഗത്തീറ്റ 50 കിലോ, നായ, പൂച്ച ഭക്ഷണം 10 കിലോ, 3 കിലോഗ്രാം ഖര ഭക്ഷണ പദാര്‍ത്ഥങ്ങള്‍, ഒരു ലിറ്റര്‍ ദ്രാവക സപ്ലിമെന്റുകള്‍ എന്നിങ്ങനെയാണ് പുതിയ നിയമം അനുസരിച്ച് ഒരു യാത്രക്കാരന് കൊണ്ടുവരാനാവുക.
