മനാമ: കേരള കാത്തലിക് അസോസിയേഷന്‍ (കെസിഎ) കുട്ടികള്‍ക്കായി നടത്തിവരുന്ന കലാ-സാഹിത്യ-സംസ്‌കാരിക മാമാങ്കം ‘ദി ഇന്ത്യന്‍ ടാലന്റ് സ്‌കാന്‍’ 25-ാം വര്‍ഷത്തിലേക്ക് കടക്കുകയാണ്. ബഹ്റൈനില് താമസക്കാരായ എല്ലാ ഇന്ത്യന്‍ കുട്ടികള്‍ക്കും പങ്കെടുക്കാന്‍ സാധിക്കുന്ന മത്സരങ്ങള്‍ 2025 ഒക്ടോബര്‍ രണ്ടാം വാരം മുതല്‍ 2025 ഡിസംബര്‍ ആദ്യ വാരം വരെ നടക്കും.
പരിപാടിയുടെ സുഗമമായ നടത്തിപ്പിനായി സിമി ലിയോ ചെയര്‍പേഴ്‌സണ്‍ ആയ ഒരു കമ്മിറ്റിയെ തിരഞ്ഞെടുത്തിട്ടുണ്ട്. കെഎം തോമസ് (വൈസ് ചെയര്‍മാന്‍), ജോയല്‍ ജോസ് (വൈസ് ചെയര്‍മാന്‍), പ്രെറ്റി റോയ് (വൈസ് ചെയര്‍ പേഴ്‌സണ്‍), സിമി അശോക് (വൈസ് ചെയര്‍ പേഴ്‌സണ്‍), ലിയോ ജോസഫ് (എക്‌സ് ഒഫീഷ്യോ) എന്നിവരുടെ നേതൃത്വത്തില്‍ വിപുലമായ കമ്മിറ്റിയാണ് ടാലന്റ് സ്‌കാനിന്റെ പ്രവര്‍ത്തനങ്ങള്‍ നിയന്ത്രിക്കുന്നത്.
പരിപാടിയുടെ വിവിധ വശങ്ങള്‍ ഏകോപിപ്പിക്കുന്നതിനായി ജോബി ജോര്‍ജ്, നിക്സണ്‍ വര്‍ഗീസ്, സണ്ണി അയിരൂര്‍, ജൂലിയറ്റ് തോമസ്, അശോക് മാത്യു, മനോജ് മാത്യു, ജിതിന്‍ ജോസ്, ജിന്‍സ് ജോസഫ്, ബാബു വര്‍ഗീസ്, ജോഷി വിതയത്തില്‍, മരിയ ജിബി, ഷൈനി നിത്യന്‍, ജോളി ജോസഫ്, ജോര്‍ജ് സെബാസ്റ്റ്യന്‍, ജൂലി ഷിജു എന്നിവരുടെ നേതൃത്വത്തില്‍ വിവിധ ഉപസമിതികളും രൂപീകരിച്ചിട്ടുണ്ട്.
കഴിഞ്ഞ ടാലന്റ് സ്‌കാന്‍ മത്സരങ്ങളെക്കുറിച്ചുള്ള ആവേശകരമായ പ്രതികരണത്തിന് കെസിഎ ജനറല്‍ സെക്രട്ടറി വിനു ക്രിസ്റ്റി രക്ഷിതാക്കളോട് നന്ദി പറഞ്ഞു. പ്രതികരണങ്ങളില്‍ തങ്ങള്‍ സന്തുഷ്ടരാണെന്നും ഈ പരിപാടി വിജയകരമാക്കുന്നതില്‍ എല്ലാവരുടെയും പിന്തുണയെ വിലമതിക്കുന്നുവെന്നും അദ്ദേഹം പറഞ്ഞു. പരിപാടികളുടെ രജിസ്ട്രേഷന് സെപ്റ്റംബര്‍ 4 ന് ആരംഭി ച്ചു. രജിസ്ട്രേഷന് അവസാന തീയതി സെപ്റ്റംബര്‍ 30 ആണ്.
വര്‍ഗീസ് ജോസഫിന്റെ നേതൃത്വത്തില്‍, റോയ് സി ആന്റണി, സേവി മാത്തുണ്ണി, അരുള്‍ദാസ് തോമസ് എന്നിവര്‍ അംഗങ്ങളായി ഒരു ഉപദേശക സമിതിയും രൂപീകരിച്ചിട്ടുണ്ട്. ബഹ്റൈനില് താമസിക്കുന്ന, 2007 ഒക്ടോബര്‍ 1 നും 2020 സെപ്റ്റംബര്‍ 30 നും ഇടയില്‍ ജനിച്ച ഇന്ത്യക്കാരായ കുട്ടികള്‍ക്ക് ഇന്ത്യന്‍ ടാലന്റ് സ്‌കാനില്‍ പങ്കെടുക്കം.
പങ്കെടുക്കുന്നവരെ പ്രായത്തിന്റെ അടിസ്ഥാനത്തില്‍ 5 ഗ്രൂപ്പുകളായി തിരിച്ചിരിക്കുന്നു
ഗ്രൂപ്പ്-1 2018 ഒക്ടോബര്‍ 1 നും 2020 സെപ്റ്റംബര്‍ 30 നും ഇടയില്‍ ജനിച്ച കുട്ടികള്‍
ഗ്രൂപ്പ്-2 2016 ഒക്ടോബര്‍ 1 നും 2018 സെപ്റ്റംബര്‍ 30 നും ഇടയില്‍ ജനിച്ച കുട്ടികള്‍
ഗ്രൂപ്പ്-3 2014 ഒക്ടോബര്‍ 1 നും 2016 സെപ്റ്റംബര്‍ 30 നും ഇടയില്‍ ജനിച്ച കുട്ടികള്‍
ഗ്രൂപ്പ്-4 2011 ഒക്ടോബര്‍ 1 നും 2014 സെപ്റ്റംബര്‍ 30 നും ഇടയില്‍ ജനിച്ച കുട്ടികള്‍
ഗ്രൂപ്പ്-5 2007 ഒക്ടോബര്‍ 1 നും 2011 സെപ്റ്റംബര്‍ 30 നും ഇടയില്‍ ജനിച്ച കുട്ടികള്‍
ഈ വര്‍ഷം ഏകദേശം 180 വ്യക്തിഗത മത്സര ഇനങ്ങള്‍ ഉണ്ട്. കൂടാതെ, നിരവധി ടീം ഇവന്റുകളും ഉണ്ട്. ഒരു മത്സരാര്‍ത്ഥിക്ക് 12 വ്യക്തിഗത ഇനത്തിലും കൂടാതെ എല്ലാ ടീം ഇനങ്ങളിലും പങ്കെടുക്കാം. ടീം ഇനങ്ങളില്‍ നേടിയ പോയിന്റുകള്‍ വ്യക്തിഗത ചാമ്പ്യന്‍ഷിപ്പ് അവാര്‍ഡിനായി കണക്കാക്കില്ല. എന്നാല്‍ പോയിന്റുകള്‍ സമനിലയാകുന്ന പക്ഷം ടീം ഇനങ്ങളില്‍ നേടിയ പോയിന്റ് അവാര്‍ഡ് നിര്‍ണയത്തിന് മാനദണ്ഡമാക്കും. അപേക്ഷകള്‍ ഓണ്‍ലൈനായും ഓഫ്ലൈനായും സ്വീകരിക്കും.
കലാതിലകം & കലാപ്രതിഭ അവാര്‍ഡുകള്‍, ഗ്രൂപ്പ് ചാമ്പ്യന്‍ഷിപ്പ് അവാര്‍ഡുകള്‍, കെസിഎ സ്‌പെഷ്യല്‍ അവാര്‍ഡുകള്‍, നാട്യ രത്ന, സംഗീത രത്ന, കലാ രത്ന, സാഹിത്യ രത്ന അവാര്‍ഡുകള്‍ എന്നിവയുള്‍പ്പെടെ നിരവധി അവാര്‍ഡുകളും ട്രോഫികളും വിജയികള്‍ക്ക് സമ്മാനിക്കും. മികച്ച നൃത്താധ്യാപകന്‍, മികച്ച സംഗീതാധ്യാപകന്‍, മികച്ച സ്‌കൂളുകള്‍ക്കുള്ള അവാര്‍ഡുകള്‍ എന്നിവയും നല്‍കും. പങ്കെടുക്കുന്ന എല്ലാവര്‍ക്കും സര്‍ട്ടിഫിക്കറ്റുകള്‍ ലഭിക്കും. ഒന്നും രണ്ടും മൂന്നും സമ്മാനങ്ങള്‍ നേടുന്നവര്‍ക്ക് ട്രോഫികളും സര്‍ട്ടിഫിക്കറ്റുകളും നല്‍കും.
ഇന്ത്യന്‍ ടാലന്റ് സ്‌കാന്‍ 6 മത്സരവിഭാഗങ്ങള്‍ ആയിട്ടാണ് തിരിച്ചിരിക്കുന്നത്. നാട്യരത്‌ന മത്സരങ്ങള്‍, സംഗീതരത്‌ന മത്സരങ്ങള്‍, കലാരത്‌ന മത്സരങ്ങള്‍, സാഹിത്യ രത്ന മത്സരങ്ങള്‍, ആഡ്-ഓണ്‍ മത്സരങ്ങള്‍, കൂടാതെ ടീം ഇന മത്സരങ്ങള്‍. ഇവന്റുകളുടെ ലിസ്റ്റ് താഴെ കൊടുക്കുന്നു. യോഗ്യരായ ഗ്രൂപ്പുകളെ ബ്രാക്കറ്റില്‍ സൂചിപ്പിച്ചിരിക്കുന്നു.
വ്യക്തിഗത ഇവന്റുകള്‍: ഭരതനാട്യം (3,4,5); സിനിമാറ്റിക് ഡാന്‍സ് (1,2,3,4,5); നാടോടി നൃത്തം (1,2,3,4,5); കഥക് (3,4,5); കുച്ചിപ്പുടി (3,4,5); മോഹിനിയാട്ടം (3,4,5); വെസ്റ്റേണ്‍ ഡാന്‍സ് (1,2,3,4,5); കര്‍ണാടക സംഗീതം (4,5); ക്രിസ്ത്യന്‍ ഭക്തിഗാനം- മലയാളം (1,2,3,4,5); ഇംഗ്ലീഷ് ഗാന മത്സരം (2,3,4,5); ചലച്ചിത്ര ഗാനം- ഹിന്ദി (1,2,3,4,5); ചലച്ചിത്ര ഗാനം- മലയാളം (1,2,3,4,5); ഹിന്ദുസ്ഥാനി സംഗീതം (3,4,5); ഇന്‍സ്ട്രുമെന്റല്‍ മ്യൂസിക് (3,4,5); കരോക്കെ ആലാപനം- ഹിന്ദി (2,3,4,5); ലൈറ്റ് മ്യൂസിക് മലയാളം (2,3,4,5); നാടന്‍പാട്ട്- മലയാളം (3,4,5); ക്ലേ മോഡലിംഗ് (1,2,3,4,5); ഡ്രോയിംഗ് & പെയിന്റിംഗ് (1,2,3,4,5); കാര്‍ട്ടൂണ്‍ ഡ്രോയിംഗ് (3,4,5); പെന്‍സില്‍ ഡ്രോയിംഗ് (2,3,4,5); വെജിറ്റബിള്‍ കാര്‍വിങ് (4,5); ഫ്‌ലവര്‍ അറേഞ്ചുമെന്റ് (3,4,5); അടിക്കുറിപ്പ് എഴുത്ത്- ഇംഗ്ലീഷ് (3,4,5); എസ്സേ റൈറ്റിംഗ് ഇംഗ്ലീഷ് (3,4,5); കവിതാ പാരായണം ഇംഗ്ലീഷ്/ഹിന്ദി/മലയാളം (1,2,3,4,5); ഇംഗ്ലീഷ് കവിതയെഴുത്ത് (3,4,5); പ്രസംഗം ഇംഗ്ലീഷ്/മലയാളം (3,4,5); സ്റ്റോറി ടെല്ലിംഗ് ഇംഗ്ലീഷ്/മലയാളം (1,2); ആക്ഷന്‍ സോംഗ് (1,2); ഫാന്‍സി ഡ്രസ് (1,2,3,4,5); പൊതുവിജ്ഞാനം (1,2,3,4,5); മെമ്മറി ടെസ്റ്റ് (1,2); മോണോ ആക്ട് (3,4,5); സ്‌പെല്ലിംഗ് ബീ (1,2,3,4,5); ഇന്റലിജന്‍സ് ടെസ്റ്റ് (1,2,3,4,5); ഫാഷന്‍ ഷോ (1,2,3,4,5); കൈയക്ഷരം (2,3,4,5).
ടീം ഇവന്റുകള്‍: ജൂനിയേഴ്‌സ് (ഗ്രൂപ്പുകള്‍ 1 & 2): നാടോടി നൃത്തം, സിനിമാറ്റിക് ഡാന്‍സ്, വെസ്റ്റേണ്‍ ഡാന്‍സ്, ഗ്രൂപ്പ് സോംഗ് (ഹിന്ദി അല്ലെങ്കില്‍ മലയാളം), ദേശഭക്തി ഗാനം- ഹിന്ദി; ടാബ്ലോ; സീനിയര്‍ (ഗ്രൂപ്പുകള്‍ 3,4,5): നാടോടി നൃത്തം, സിനിമാറ്റിക് ഡാന്‍സ്, വെസ്റ്റേണ്‍ ഡാന്‍സ്, അറബിക് ഡാന്‍സ്, ഗ്രൂപ്പ് സോംഗ് (ഹിന്ദി അല്ലെങ്കില്‍ മലയാളം), ദേശഭക്തി ഗാനം ഹിന്ദി, നാടന്‍പാട്ട് (മലയാളം), മൈം, ടാബ്ലോ.
കലപ്രതിഭ അവാര്‍ഡ്, കലാതിലകം അവാര്‍ഡ്
താഴെപ്പറയുന്ന മാനദണ്ഡങ്ങള്‍ പാലിക്കുന്ന ആണ്‍കുട്ടികളിലും പെണ്‍കുട്ടികളിലും ഏറ്റവും കൂടുതല്‍ പോയിന്റ് നേടുന്ന ആണ്‍കുട്ടിക്ക് കലപ്രതിഭ അവാര്‍ഡും, പെണ്‍കുട്ടിക്ക് കലാതിലകം അവാര്‍ഡും സര്‍ട്ടിഫിക്കറ്റിനുമൊപ്പം എവര്‍ റോളിംഗ് ട്രോഫി സമ്മാനിക്കും
1. കുറഞ്ഞത് ഒരു ഒന്നാം സമ്മാനം നേടിയിരിക്കണം
2. കുറഞ്ഞത് ഒരു എ ഗ്രേഡും നേടിയിരിക്കണം
3. കുറഞ്ഞത് 3 വ്യക്തിഗത വിഭാഗങ്ങളില്‍ നിന്നുള്ള സമ്മാനങ്ങള്‍ നേടിയിരിക്കണം
4. ടീം മത്സരങ്ങളില്‍ നിന്ന് കുറഞ്ഞത് ഒരു എ/ബി ഗ്രേഡെങ്കിലും നേടിയിരിക്കണം
5. ഒരു മത്സര വിഭാഗത്തില്‍ നിന്ന്, മികച്ച 6 ഫലങ്ങള്‍ മാത്രമേ പരിഗണിക്കൂ. (ഉദാ: സംഗീത രത്ന വിഭാഗത്തില്‍ നിന്ന് ഒരു കുട്ടി 7 സമ്മാനങ്ങള്‍ നേടിയാല്‍, ആ വിഭാഗത്തില്‍ നിന്ന് മികച്ച 6 ഫലങ്ങള്‍ മാത്രമേ പരിഗണിക്കൂ. അവാര്‍ഡ് ജേതാവ് ബഹുമുഖ പ്രതിഭ ആണെന്ന് ഉറപ്പാക്കാനാണിത്.)
ഗ്രൂപ്പ് ചാമ്പ്യന്‍ഷിപ്പ് അവാര്‍ഡ്
ഓരോ ഗ്രൂപ്പിലും ഏറ്റവും ഉയര്‍ന്ന പോയിന്റ് നേടുകയും കുറഞ്ഞത് ഒരു ഒന്നാം സമ്മാനവും ഒരു എ ഗ്രേഡും കരസ്ഥമാക്കുന്ന മത്സരാര്‍ത്ഥിക്ക് ഗ്രൂപ്പ് ചാമ്പ്യന്‍ഷിപ്പ് അവാര്‍ഡ് നല്‍കും. മത്സരാര്‍ത്ഥി കുറഞ്ഞത് 3 വ്യക്തിഗത വിഭാഗങ്ങളില്‍ നിന്നുള്ള സമ്മാനങ്ങളും നേടണം കൂടാതെ ടീം മത്സരങ്ങളിലൊന്നിലെങ്കിലും പങ്കെടുത്തിരിക്കണം.
കെസിഎ സ്‌പെഷ്യല്‍ ഗ്രൂപ്പ് ചാമ്പ്യന്‍ഷിപ്പ് അവാര്‍ഡ് കെസിഎ അംഗങ്ങളായ കുട്ടികള്‍ക്കു മാത്രമുള്ളതാണ്. ഓരോ ഗ്രൂപ്പിലും കുറഞ്ഞത് ഒരു ഒന്നാം സമ്മാനവും ഒരു എ ഗ്രേഡും നേടി ഏറ്റവും കൂടുതല്‍ പോയിന്റ്‌റ് കരസ്ഥമാക്കുന്ന കെസിഎ അംഗമായ മത്സരാര്‍ത്ഥിക്ക് ഈ അവാര്‍ഡ് നല്‍കും. മത്സരാര്‍ത്ഥി ടീം മത്സരങ്ങളിലൊന്നിലെങ്കിലും പങ്കെടുക്കണം.
നാല് വിഭാഗങ്ങളിലെ ഒന്നാം സ്ഥാനക്കാര്‍ക്ക് കെസിഎ പ്രത്യേക അവാര്‍ഡുകളും നല്‍കും. നൃത്ത വിഭാഗത്തില്‍ എല്ലാ പ്രായ വിഭാഗങ്ങളിലും ഏറ്റവും ഉയര്‍ന്ന പോയിന്റ് നേടുന്ന ആണ്‍കുട്ടിക്കോ പെണ്‍കുട്ടിക്കോ, കുറഞ്ഞത് ഒരു ഒന്നാം സമ്മാനവും എ ഗ്രേഡും നേടുന്നവര്‍ക്ക് നാട്യ രത്ന അവാര്‍ഡ് നല്‍കും. ടീം ഇവന്റുകളില്‍ ഒന്നിലും പങ്കെടുക്കണം. അതുപോലെ, സംഗീത രത്ന അവാര്‍ഡ്, കലാ രത്ന അവാര്‍ഡ്, സാഹിത്യ രത്ന അവാര്‍ഡ് എന്നി അവാര്‍ഡുകള്‍ അതത് വിഭാഗത്തിലെ വിജയികള്‍ക്ക് സമ്മാനിക്കും.
സ്‌കൂളുകളുടെ പങ്കാളിത്തത്തിനും പ്രകടന മികവിനും ഉള്ള അവാര്‍ഡ്
ഇന്ത്യന്‍ ടാലന്റ് സ്‌കാന്‍ 2025 ല്‍ പങ്കെടുക്കാന്‍ കുട്ടികളെ പ്രോത്സാഹിപ്പിക്കുന്ന സ്‌കൂളുകള്‍ക്ക് പങ്കെടുക്കുന്ന കുട്ടികളുടെ എണ്ണത്തിന്റെ അടിസ്ഥാനത്തിലും, ആ സ്‌കൂളുകളില്‍ നിന്നുള്ള കുട്ടികള്‍ക്ക് ലഭിച്ച മൊത്തം ഗ്രേഡ്/ജയിച്ച പോയിന്റ്റുകളുടെ അടിസ്ഥാനത്തിലും പ്രത്യേക അവാര്‍ഡ് നല്‍കുകയും ആദരിക്കുകയും ചെയ്യും.
മികച്ച നൃത്ത & സംഗീത അധ്യാപക അവാര്‍ഡ്
കുട്ടികളെ മത്സരങ്ങളില്‍ പങ്കെടുപ്പിക്കാന്‍ നൃത്ത സംഗീത അധ്യാപകര്‍ നടത്തുന്ന പരിശ്രമങ്ങളെ അഭിനന്ദിക്കാനും കഴിവിനെ ആദരിക്കാനും വേണ്ടി ഈ അവാര്‍ഡ് ഏര്‍പ്പെടുത്തിയിരിക്കുന്നു. മത്സരങ്ങള്‍ക്ക് മുമ്പായി അല്ലെങ്കില്‍ രജിസ്ട്രേഷന് സമയത്ത് മത്സരാര്‍ത്ഥികള്‍ എഴുതി നല്‍കുന്ന അധ്യാപകരില്‍ നിന്നാണ് മികച്ച നൃത്ത സംഗീത അധ്യാപകരെ തിരഞ്ഞെടുക്കുന്നത്. ഏറ്റവും കൂടുതല്‍ കുട്ടികളെ പങ്കടുപ്പിച്ചതും, വ്യക്തിഗത, ടീം ഇനങ്ങളില്‍ പങ്കെടുക്കുന്നവരുടെ എണ്ണം, ലഭിച്ച ഗ്രേഡുകള്‍, പോയിന്റുകള്‍, കുട്ടികള്‍ നേടിയ സമ്മാനങ്ങള്‍ എന്നിവയാണ് ഈ അവാര്‍ഡിന് മാനദണ്ഡം.
വിധിന്യായ മാനദണ്ഡങ്ങളുടെ സംക്ഷിപ്ത മാര്‍ഗനിര്‍ദേശങ്ങള്‍ കെസിഎ ഓഫീസിലും www.kcabahrain.com വെബ്‌സൈറ്റിലും ലഭ്യമാണ്. ജഡ്ജിമാരുടെ തീരുമാനം അന്തിമമായിരിക്കും. ഓരോ മത്സര ഇനത്തിനും കെസിഎ അംഗങ്ങള്‍ക്ക് 2 ദിനാറും, കെസിഎ അംഗങ്ങളല്ലാത്തവര്‍ക്ക് 3 ദിനാറും പ്രവേശന ഫീസ്സായി നിശ്ചയിച്ചുണ്ട്. ഡാന്‍സ് ഇനങ്ങള്‍ക്കായി, കെസിഎ അംഗങ്ങള്‍ക്ക് 3 ദിനാറും അംഗങ്ങളല്ലാത്തവര്‍ക്ക് ഓരോ ഇനത്തിനും 4 ദിനാറും, ടീം മത്സരങ്ങള്‍ക്കായി, കെസിഎ അംഗങ്ങളായ ടീമിന് അഞ്ചു ദിനാറും അംഗങ്ങളല്ലാത്ത ടീമിന് പത്തു ദിനാറും ആയിരിക്കും ഫീസ്.
കെസിഎ അംഗങ്ങള്‍ സെപ്റ്റംബര്‍ 2025 വരെയുള്ള മെമ്പര്‍ഷിപ്പ് ഫീസ് അടച്ചിരിക്കണം. ഇന്ത്യന്‍ ടാലന്റ് സ്‌കാനുമായി ബന്ധപ്പെട്ട സംശയങ്ങള്‍ക്കും വിശദ വിവരങ്ങള്‍ക്കും സംഘാടക സമിതിയെ ബന്ധപ്പെടേണ്ടതാണ്:
സിമി ലിയോ, ചെയര്‍പേഴ്‌സണ്‍- 36268208
കെഎം തോമസ്, വൈസ് ചെയര്‍മാന്‍- 39867041
ജോയല്‍ ജോസ്, വൈസ് ചെയര്‍മാന്‍- 36077033
സിമി അശോക്, വൈസ് ചെയര്‍പേഴ്‌സണ്‍- 39042017
പ്രെറ്റി റോയ്, വൈസ് ചെയര്‍പേഴ്‌സണ്‍- 39838514
ലിയോ ജോസഫ്, എക്‌സ്ഓഫീഷ്യോ-39207951.
