മനാമ: തിരുവസന്തം- 1500 ശീര്‍ഷകത്തില്‍ നടന്നുവരുന്ന ഐസിഎഫ് മീലാദ് ക്യാമ്പയിന്‍ സമാപനവും സമസ്ത കേരള ജംഇയ്യത്തുല്‍ ഉലമ അദ്ധ്യക്ഷനായിരുന്ന താജുല്‍ ഉലമ സയ്യിദ് അബ്ദുറഹ്‌മാന്‍ അല്‍ ബുഖാരി ഉള്ളാള്‍ തങ്ങളുടെ അനുസ്മരണവും ഇന്ന് രാത്രി 8.30 ന് മനാമ സുന്നി സെന്ററില്‍ നടക്കും.
കാമ്പയിനിന്റെ ഭാഗമായി ഇതിനകം സ്‌നേഹ സംഗമം, മീലാദ് ഫെസ്റ്റ്, മൊബൈല്‍ മൗലിദ്, മദീന ഗാലറി, മാസ്റ്റര്‍ മൈന്റ്, ഡെയ്‌ലി ക്വിസ്സ്, മിഡ്‌നൈറ്റ് ബ്ലും, മദ്ഹു റസൂല്‍ സമ്മേളനം എന്നിവ വിവിധ ഘടകങ്ങളിലായി സംഘടിപ്പിച്ചു.
സമാപന സംഗമത്തില്‍ പ്രവാചക പ്രകീര്‍ത്തന കാവ്യമായ ബുര്‍ദ പാരായണം, താജുല്‍ ഉലമ അനുസ്മരണ പ്രഭാഷണം എന്നിവ നടക്കും. ഐസിഎഫ് നാഷണല്‍ നേതാക്കളായ കെസി സൈനുദ്ധീന്‍ സഖാഫി, അഡ്വ. എംസി അബ്ദുല്‍ കരീം, അബൂബക്കര്‍ ലക ലത്വീഫി, അബ്ദുല്‍ ഹകീം സഖാഫി കിനാലൂര്‍, ഉസ്മാന്‍ സഖാഫി തളിപ്പറമ്പ്, റഫീക്ക് ലത്വീഫി വരവൂര്‍, അബ്ദുല്‍ സലാം മുസ്ല്യാര്‍ എന്നിവര്‍ നേതൃത്വം നല്‍കും.
