മനാമ: 40 ബ്രദേഴ്‌സ് ഫുട്‌ബോള്‍ ടീം ഓണാഘോഷ പരിപാടിയും പുതിയ കമ്മിറ്റി തിരഞ്ഞെടുപ്പും ബുദയ്യ കറാന ഹാളില്‍ വെച്ച് നടത്തി. മുന്‍ സെക്രട്ടറി മുസ്തഫ ടോപ് സ്വാഗതം പറഞ്ഞ പരിപാടിയില്‍ മുന്‍ പ്രസിഡന്റ് അബ്ദുള്ള അധ്യക്ഷത വഹിച്ചു.
ഖലീല്‍ റഹ്‌മാന്‍ (സ്‌കൈ വീല്‍) പ്രസിഡന്റായ പുതിയ കമ്മിറ്റിയില്‍ ചെയര്‍മാനായി മൊയ്തീന്‍ കുട്ടി, വൈസ് ചെയര്‍മാന്‍ ഷെരീഫ് മാട്ടൂല്‍, ജനറല്‍ സെക്രട്ടറി മന്‍സൂര്‍ അത്തോളി, വൈസ് പ്രസിഡന്റ് നൗഫല്‍, ജോയിന് സെക്രട്ടറി ജെപികെ തിക്കോടി, ട്രഷറര്‍ ഇബ്രാഹിം ചിറ്റണ്ട, അസിസ്റ്റന്റ് ട്രഷറര്‍ റഷീദ് വടക്കാഞ്ചേരി എന്നിവരെയും പതിനൊന്ന് അംഗ എക്‌സിക്കുട്ടീവ് അംഗങ്ങളെയും തിരഞ്ഞെടുത്തു.
ഷിഹാബ് പ്ലസ്, സക്കീര്‍ എന്നിവര്‍ തിരഞ്ഞെടുപ്പ് പ്രക്രിയകള്‍ നിയന്ത്രിച്ചു. അടുത്ത മാസം 13, 14, 15 തീയതികളില്‍ ജില്ലാ കപ്പ് ഫുട്‌ബോള്‍ ടൂര്‍ണമെന്റ് നടത്താന്‍ തീരുമാനിച്ച വിവരം ഭാരവാഹികള്‍ അറിയിച്ചു. സ്ത്രീകളും കുട്ടികളും പങ്കെടുത്ത പരിപാടിക്ക് മുന്‍ ട്രഷറര്‍ ഇസ്മയില്‍ നന്ദി പറഞ്ഞു.
