മനാമ: മലങ്കര ഓര്‍ത്തഡോക്‌സ് സഭയുടെ മദ്രാസ് ഭദ്രാസനാധിപന്‍ അഭിവന്ദ്യ ഗീര്‍വര്‍ഗ്ഗീസ് മാര്‍ പീലക്‌സിനോസ് മെത്രാപ്പോലീത്തായിക്ക് ബഹ്റൈന് കേരള ക്രിസ്ത്യന്‍ എക്യുമെനിക്കല്‍ കൗണ്‍സില്‍ സ്വീകരണം നല്‍കി. കെസിഇസിയുടെ പ്രസിഡന്റ് റവ. അനീഷ് സാമുവേല്‍ ജോണിന്റെ അധ്യക്ഷതയില്‍ കൂടിയ മീറ്റിംഗില്‍ ജനറല്‍ സെക്രട്ടറി ജോമോന്‍ മലയില്‍ ജോര്‍ജ് സ്വാഗതം അറിയിച്ചു.
വൈസ് പ്രസിഡന്റുന്മാരായ റവ. ഫാദര്‍ ജേക്കബ് തോമസ് കാരയ്ക്കല്‍, റവ. ഫാദര്‍ തോസുകുട്ടി പിഎന്‍, റവ. മാത്യൂസ് ഡേവിഡ്, റവ. അനൂപ് സാം, റവ ഫാദര്‍ ഡോ. വിവേക് വര്‍ഗ്ഗീസ് എന്നിവര്‍ ആശംസകളറിയിച്ചു. ബഹ്‌റൈനിലെ എക്യുമനിക്കല്‍ സഭകളുടെ കൂട്ടായ പ്രവര്‍ത്തനനങ്ങള്‍ക്ക് മെത്രാപ്പോലീത്ത അദ്ദേഹത്തിന്റെ മറുപടി പ്രസംഗത്തില്‍ അഭിനന്ദങ്ങള്‍ അറിയിച്ചു.
കെസിഇസി എക്‌സിക്യൂട്ടിവ് കമ്മറ്റി അംഗങ്ങളായ എബിന്‍ മാത്യു ഉമ്മന്‍, എബ്രഹാം ജോണ്‍, സുനില്‍ കുമാര്‍, സുജിത്ത് എബ്രഹാം, ഡിജു ജോണ്‍ മാവേലിക്കര എന്നിവര്‍ പങ്കെടുത്ത യോഗത്തിന് ട്രഷറര്‍ ജെറിന്‍ രാജ് സാം നന്ദി അറിയിച്ചു.
