മനാമ: മലങ്കര മാര്‍ത്തോമ്മ സുറിയാനി സഭയുടെ കോട്ടയം- കൊച്ചി ഭദ്രാസനാധിപന്‍ അഭിവന്ദ്യ ബിഷപ്പ് തോമസ് മാര്‍ തിമോത്തിയോസ് എപ്പിസ്‌കോപ്പായ്ക്ക് ബഹ്‌റൈനിലെ കേരള ക്രിസ്ത്യന്‍ എക്യുമെനിക്കല്‍ കൗണ്‍സില്‍ സ്വീകരണം നല്‍കി. കെസിഇസി പ്രസിഡന്റ് റവ. അനീഷ് സാമുവേല്‍ ജോണ്‍ന്റെ അധ്യക്ഷതയില്‍ കൂടിയ യോഗത്തിന് ജനറല്‍ സെക്രട്ടറി ജോമോന്‍ മലയില്‍ ജോര്‍ജ് സ്വാഗതം അറിയിച്ചു.
വൈസ് പ്രസിഡന്റിന്മാരായ റവ. ഫാദര്‍ ജേക്കബ് തോമസ് കാരയ്ക്കല്‍, റവ. ഫാദര്‍ തോസുകുട്ടി പിഎന്‍, റവ. മാത്യൂസ് ഡേവിഡ്, വെരി. റവ. ഫാ. സ്ലീബ പോള്‍ കോര്‍ എപ്പിസ്‌കോപ്പ, റവ. ബിജു ജോണ്‍, റവ. സാമുവേല്‍ മാത്യു, റവ. ഫാ. ജേക്കബ് നടയില്‍ റവ. അനുപ് സാം എന്നിവര്‍ ആശംസകളറിയിച്ചു.
ബഹ്‌റൈനിലെ എക്യുമനിക്കല്‍ സഭകളുടെ കൂട്ടായ പ്രവര്‍ത്തനനങ്ങളിലൂടെ സമൂഹത്തില്‍ പാര്‍ശ്വവല്‍ക്കരിക്കപ്പെട്ടിട്ടുള്ള പിന്നോക്കം നില്‍ക്കുന്ന മനുഷ്യരെ ചേര്‍ത്തുപിടിക്കുന്നതിന് ശ്രമിക്കണമെന്ന് മെത്രാപ്പോലീത്ത പറഞ്ഞു. കെസിഇസി എക്‌സിക്യൂട്ടിവ് കമ്മറ്റി അംഗങ്ങളായ എബിന്‍ മാത്യു ഉമ്മന്‍, എബ്രഹാം ജോണ്‍, സ്റ്റീഫന്‍ ജേക്കബ്, സാബു പൗലോസ്, ഡിജു ജോണ്‍ മാവേലിക്കര എന്നിവര്‍ പങ്കെടുത്തു. വൈസ് പ്രസിഡന്റ് ജെയിംസ് ജോണ്‍ നന്ദി അറിയിച്ചു.
