മനാമ: ശിശുദിനത്തില്‍ കലാ കേന്ദ്ര സംഘടിപ്പിച്ച ആര്‍ട്ട് മത്സരം ശ്രദ്ധേയമായി. കലാകേന്ദ്ര ആര്‍ട്‌സ് സെന്റര്‍ ഹാളില്‍ മൂന്ന് വിഭാഗങ്ങളായി നടത്തിയ മത്സരത്തില്‍ ഗ്രൂപ്പ് എ- ഒന്നാം സ്ഥാനം ഋഷിക, രണ്ടാം സ്ഥാനം റിവാ റയാല്‍, മൂന്നാം സ്ഥാനം ഐറ പിന്റോ നേടി. ഗ്രൂപ്പ് ബി- ഒന്നാം സ്ഥാനം കല്‍ഹാര റനീഷ്, രണ്ടാം സ്ഥാനം ആര്‍ദ്ര രാജേഷ്, മൂന്നാം സ്ഥാനം നൈതിക് നിതിന്‍, ഗ്രൂപ്പ് സി ഒന്നാം സ്ഥാനം- രുദ്ര, രണ്ടാം സ്ഥാനം ഒന്ദ്രില്ല ഡേ മൂന്നാം സ്ഥാനം വാമിക സിംഗ് എന്നിവര്‍ നേടി.
ആര്‍ട്ടിസ്റ്റുകളായ പ്രജി വി, വിനു രഞ്ചു എന്നിവര്‍ വിധികര്‍ത്താക്കളായിരുന്നു. കലാകേന്ദ്ര എംഡി ഷില്‍സ റിലീഷ്, കലാകേന്ദ്ര ഡയറക്ടര്‍ ഓപറേഷനും പ്രിന്‍സിപ്പാലുമായ മഞ്ജിത് താന്നിക്കല്‍ എന്നിവര്‍ സമ്മാനദാനം നിര്‍വഹിച്ചു.
