മനാമ: ഇന്ത്യന്‍ കള്‍ച്ചറല്‍ ഫൗണ്ടേഷന്‍ (ഐസിഎഫ്) ബഹ്‌റൈന്‍ ഉംറ സര്‍വീസിന് കീഴിലുള്ള ഉംറ സംഘത്തിന് യാത്രയയപ്പ് നല്‍കി. അമീറുമാരായ ബഷീര്‍ ഹിശാമി ക്ലാരി, ശമീര്‍ സഖാഫി എന്നിവരുടെ നേതൃത്വത്തിലുള്ള 75 അംഗ സംഘമാണ് മനാമയില്‍ നിന്ന് യാത്ര പുറപ്പെട്ടത്.
ഐസിഎഫ് ബഹ്‌റൈന്‍ നാഷണല്‍ പ്രസിഡന്റ് അബൂബക്കര്‍ ലത്വീഫി, മുസ്ഥഫ ഹാജി കണ്ണപുരം, ഷംസുദ്ധീന്‍ പൂക്കയില്‍, ഫൈസല്‍ ചെറുവണ്ണൂര്‍, നൗഫല്‍ മയ്യേരി, അബ്ദുറസ്സാഖ് ഹാജി എന്നിവര്‍ നേതൃത്വം നല്‍കി.
ഐസിഎഫ് ഉംറ സര്‍വ്വീസിന് കീഴിലുള്ള അടുത്ത സംഘങ്ങള്‍ ഡിസംബര്‍ 11, 15, 25 തീയതികളില്‍ യാത്രതിരിക്കുമെന്നും വിശദ വിവരങ്ങള്‍ക്ക് 39871794, 33892169, 33372338 എന്നീ നമ്പറുകളില്‍ ബന്ധപ്പെടാമെന്നും ഭാരവാഹികള്‍ അറിയിച്ചു.
