മനാമ: നിയാര്‍ക് ‘സ്പര്‍ശം 2025’ നവംബര്‍ 28 ന് അല്‍ അഹ്‌ലി ക്ലബ്ബിലെ ബാന്‍ക്വറ്റ് ഹാളില്‍ നടക്കും. നിയാര്‍ക് ബഹ്റൈന്‍ ചാപ്റ്റര്‍ സംഘടിപ്പിക്കുന്ന പരിപാടിയുടെ ഒരുക്കങ്ങള്‍ പൂര്‍ത്തിയായതായി സംഘാടക സമിതി അറിയിച്ചു.
പ്രശസ്ത മെന്റലിസ്റ്റ് ഫാസില്‍ ബഷീര്‍ അവതരിപ്പിക്കുന്ന ‘ട്രിക്സ് മാനിയ 2.0’ എന്ന പരിപാടിയാണ് ‘സ്പര്‍ശം 2025’ ന്റെ മുഖ്യ ആകര്‍ഷണം. പ്രവേശനം സൗജന്യമാണ്. ഏവരെയും പരിപാടിയില്‍ പങ്കെടുക്കാന്‍ ക്ഷണിക്കുന്നതായും ഭാരവാഹികള്‍ അറിയിച്ചു.
ഭിന്നശേഷി കുട്ടികള്‍ക്കായി കൊയിലാണ്ടി പന്തലായനിയില്‍ പ്രവര്‍ത്തിക്കുന്ന ഗവേഷണ സ്ഥാപനമായ നെസ്റ്റ് ഇന്റര്‍നാഷണല്‍ അക്കാഡമി ആന്‍ഡ് റിസേര്‍ച്ച് സെന്റര്‍ (നിയാര്‍ക്) നെക്കുറിച്ച് വിശദീകരിക്കാന്‍ ഗ്ലോബല്‍ ചെയര്‍മാന്‍ അഷ്റഫ് കെപിയും, നെസ്റ്റ് കൊയിലാണ്ടി ജനറല്‍ സെക്രട്ടറി യൂനുസ് ടികെയും പരിപാടിയില്‍ എത്തും.
