മനാമ: ബഹ്റൈന്‍ ദേശീയ ദിനാഘോഷവും ക്ലബ്ബിന്റെ ക്രിസ്മസ് ആഘോഷവും ഒന്നിച്ച് ആഘോഷിക്കാനൊരുങ്ങി ഇന്ത്യന്‍ ക്ലബ്. ഡിസംബര്‍ 19, 20 തീയതികളില്‍ വൈകുന്നേരം 7 മണി ക്ലബ്ബ് പരിസരത്താണ് ആഘോഷം. ക്ലബ് അംഗങ്ങള്‍ക്കും കുടുംബങ്ങള്‍ക്കും അതിഥികള്‍ക്കും വേണ്ടി നിരവധി പരിപാടികള്‍ ഉണ്ടായിരിക്കും. പ്രവേശനം സൗജന്യമാണ്.
ഇന്ത്യന്‍ ക്ലബിന്റെ 110ാം വാര്‍ഷികാഘോഷമാണ് നടക്കുക. ഇന്ത്യന്‍ ക്ലബ് ക്രിസ്മസ് ട്രീ ആഘോഷത്തോടൊപ്പം ക്രിസ്മസ് ട്രീ അലങ്കാര മത്സരവും ക്രിസ്മസ് കേക്ക് ബേക്കിംഗ് മത്സരവും ഉണ്ടായിരിക്കും. പ്രശസ്തരായ ഗായകരെ അണിനിരത്തിക്കൊണ്ടുള്ള മെഗാ സംഗീതവിരുന്ന് ഡിസംബര്‍ 19 വെള്ളിയാഴ്ച നടക്കും.
സോണി ടിവി സൂപ്പര്‍സ്റ്റാര്‍ സിംഗര്‍ ജേതാവായ മാസ്റ്റര്‍ അവിര്‍ഭാവ്, പിന്നണി ഗായകരായ ലിബിന്‍ സഖരിയ, മെറിന്‍ ഗ്രിഗറി എന്നിവരാണ് സംഗീതനിശ നയിക്കുക. ക്രിസ്മസ് ട്രീ ഡെക്കറേഷന്‍, കേക്ക് ബേക്കിംഗ് മത്സരങ്ങള്‍ ഡിസംബര്‍ 20 ശനിയാഴ്ച നടക്കും. ക്രിസ്മസ് ട്രീ ഡെക്കറേഷന്‍ മത്സരം വൈകുന്നേരം 7 മുതല്‍ രാത്രി 10 വരെ നടക്കും. വിജയിക്ക് 200 യുഎസ് ഡോളര്‍ സമ്മാനമായി ലഭിക്കും. കേക്ക് ബേക്കിംഗ് മത്സരം രാത്രി 8 മണിക്ക് നടക്കും. വിജയിക്ക് 100 യുഎസ് ഡോളര്‍ സമ്മാനമായി ലഭിക്കും.
രജിസ്‌ട്രേഷന്‍ ഫോമുകള്‍ ഇന്ത്യന്‍ ക്ലബ് റിസപ്ഷനില്‍ ലഭ്യമാണ്. പരിപാടിയില്‍ പങ്കെടുക്കാന്‍ ആഗ്രഹിക്കുന്നവര്‍ ഡിസംബര്‍ 15 ന് മുമ്പ് രജിസ്റ്റര്‍ ചെയ്യണം. കൂടുതല്‍ വിവരങ്ങള്‍ക്ക് ക്ലബ്ബിന്റെ പ്രസിഡന്റ് ജോസഫ് ജോയി- 39802800, ജനറല്‍ സെക്രട്ടറി അനില്‍ കുമാര്‍ ആര്‍- 39623936, എന്റര്‍ടൈന്‍മെന്റ് സെക്രട്ടറി എസ്. നന്ദകുമാര്‍- 36433552, അസിസ്റ്റന്റ് എന്റര്‍ടൈന്‍മെന്റ് സെക്രട്ടറി വിനു ബാബു- 32228434, ഇവന്റ് കോര്‍ഡിനേറ്റര്‍ ബിനോജ് മാത്യു- 33447494 എന്നിവരെ ബന്ധപ്പെടുക.
