മനാമ: ഇന്ത്യന്‍ ക്ലബ് ഓപ്പണ്‍ ബാഡ്മിന്റണ്‍ ടൂര്‍ണമെന്റ് ഈ മാസം 26 മുതല്‍ ഡിസംബര്‍ 5 വരെ ഗുദൈബിയയിലെ ക്ലബ് പരിസരത്ത് നടക്കും. ജിസിസി രാജ്യങ്ങളില്‍ നിന്നുള്ള 500ലധികം കളിക്കാര്‍ ഈ ടൂര്‍ണമെന്റില്‍ പങ്കെടുക്കുമെന്ന് പ്രതീക്ഷിക്കുന്നതായി ഇന്ത്യന്‍ ക്ലബ് അറിയിച്ചു.
ജൂനിയര്‍: ആണ്‍കുട്ടികളും പെണ്‍കുട്ടികളും (സിംഗിള്‍സ് മാത്രം) അണ്ടര്‍ 9, അണ്ടര്‍ 11, അണ്ടര്‍ 13, അണ്ടര്‍ 15, അണ്ടര്‍ 17, അണ്ടര്‍ 19. സീനിയര്‍: പുരുഷ ഡബിള്‍സ് (എലൈറ്റ്, ചാമ്പ്യന്‍ഷിപ്പ്, ലെവല്‍ 1, 2, 3, 4, 5), വനിതാ ഡബിള്‍സ് (ലെവല്‍ 1, 2, 3), മിക്സഡ് ഡബിള്‍സ് (എലൈറ്റ്, ചാമ്പ്യന്‍ഷിപ്പ്, മാസ്റ്റേഴ്‌സ് ലെവല്‍ 1, 2, 3), മാസ്റ്റേഴ്‌സ് ഡബിള്‍സ് 45+, 50+ (ലെവല്‍ 1, 2), ജംബിള്‍ഡ് ഡബിള്‍സ് (പ്രായ വിഭാഗം: 85+, 100+), പുരുഷ ഡബിള്‍സ് മോട്ടിവേഷണല്‍ (ആകെ ഭാരം- രണ്ട് കളിക്കാരും: 165 കിലോഗ്രാം) എന്നിങ്ങനെയുള്ള വിഭാഗത്തിലാണ് മത്സരങ്ങള്‍ നടക്കുക.
എല്ലാ വിജയികള്‍ക്കും റണ്ണേഴ്സ് അപ്പുകള്‍ക്കും ട്രോഫികള്‍ സമ്മാനിക്കും. കൂടുതല്‍ വിവരങ്ങള്‍ക്ക് ക്ലബ്ബ് ജനറല്‍ സെക്രട്ടറി അനില്‍ കുമാര്‍ ആര്‍ (39623936), ബാഡ്മിന്റണ്‍ സെക്രട്ടറി ബിനു പാപ്പച്ചന്‍ (39198193), ടൂര്‍ണമെന്റ് ഡയറക്ടര്‍ അനില്‍ കോളിയാടന്‍ (37733499) എന്നിവരുമായി ബന്ധപ്പെടാവുന്നതാണ്.
