മനാമ: ബഹ്റൈന് കോഫീ ഫെസ്റ്റിവലിന്റെ ടിക്കറ്റുകള് കുറഞ്ഞ നിരക്കില് നേരത്തെ സ്വന്തമാക്കാന് അവസരം. ഡിസംബര് നാലിനുള്ളില് ടിക്കറ്റ് ബുക്ക് ചെയ്യുന്നവര്ക്ക് കുറഞ്ഞ നിരക്കില് സ്വന്തമാക്കാം. ഔദ്യോഗിക വെബ്സൈറ്റായ https://worldcoffeefestivals.com/ വഴി ടിക്കറ്റുകള് ബുക്ക് ചെയ്യാം.
ഡിസംബര് ഒമ്പത് മുതല് 13 വരെ എക്സിബിഷന് വേള്ഡ് ബഹ്റൈനിലെ ഹാള് 3ല് വെച്ചാണ് കോഫി മേള. ബഹ്റൈന് ടൂറിസം ആന്ഡ് എക്സിബിഷന്സ് അതോറിറ്റി, എക്സിബിഷന് വേള്ഡ് ബഹ്റൈന്, ബഹ്റൈന് ചേംബര് ഓഫ് കോമേഴ്സ് ആന്ഡ് ഇന്ഡസ്ട്രി എന്നിവയുടെ സഹകരണത്തോടെ ഡിഎക്സ്ബി ലൈവാണ് ഫെസ്റ്റിവല് സംഘടിപ്പിക്കുന്നത്.
പ്രാദേശിക, അന്തര്ദേശീയ വിദഗ്ദ്ധരും ബ്രാന്ഡുകളും ഒത്തുചേരുന്ന ഫെസ്റ്റിവലില് കാപ്പി പ്രേമികളുടെ വന് സാന്നിധ്യം പ്രതീക്ഷിക്കുന്നുണ്ട്. ഫെസ്റ്റിവലിന്റെ ഭാഗമായി മത്സരങ്ങള്, ലൈവ് ഡെമോണ്സ്ട്രേഷനുകള്, ശില്പശാലകള്, സാംസ്കാരിക പരിപാടികള് എന്നിവയുമുണ്ടാകും.
