മനാമ: ‘സിറ്റിസ്‌കേപ്പ് ബഹ്റൈന് 2025’ ബഹ്റൈന് കിരീടാവകാശിയും പ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് അല്‍ ഖലീഫ ഉദ്ഘാടനം ചെയ്തു. റിയല്‍ എസ്റ്റേറ്റ് മേഖലയുടെ വളര്‍ച്ചയും പുരോഗതിയും രാജ്യത്തിന്റെ ആകര്‍ഷകമായ നിക്ഷേപ-ബിസിനസ് അന്തരീക്ഷത്തെ പ്രതിഫലിപ്പിക്കുന്നുവെന്ന് പ്രിന്‍സ് സല്‍മാന്‍ പറഞ്ഞു.
ഈ വളര്‍ച്ച ഒരു പ്രമുഖ അന്താരാഷ്ട്ര നിക്ഷേപ കേന്ദ്രമെന്ന നിലയില്‍ ബഹ്റൈന്റെ സ്ഥാനം അടിവരയിടുന്നുവെന്നും, ഇത് രാജാവ് ഹമദ് ബിന്‍ ഈസ അല്‍ ഖലീഫയുടെ നേതൃത്വത്തിലുള്ള രാജ്യത്തിന്റെ സമഗ്ര വികസനത്തിന്റെ പുരോഗതിക്ക് സംഭാവന നല്‍കുന്നുവെന്നും അദ്ദേഹം കൂട്ടിച്ചേര്‍ത്തു. ബഹ്റൈന്റെ റിയല്‍ എസ്റ്റേറ്റ് മേഖലയിലെ അവസരങ്ങള്‍ അദ്ദേഹം എടുത്തുപറഞ്ഞു.
രാജ്യത്തിന്റെ വൈവിധ്യവല്‍ക്കരണ ശ്രമങ്ങള്‍ മുന്നോട്ടുകൊണ്ടുപോകുന്നതിന് റിയല്‍ എസ്റ്റേറ്റ് മേഖല വഹിക്കുന്ന കേന്ദ്ര പങ്കും അദ്ദേഹം അടിവരയിട്ടു. ഗുണനിലവാരമുള്ള നിക്ഷേപങ്ങളെ ആകര്‍ഷിക്കുകയും രാജ്യത്തിന്റെ പ്രാദേശിക നേതൃത്വത്തെ ശക്തിപ്പെടുത്തുകയും ചെയ്യുന്ന സാമ്പത്തിക വളര്‍ച്ചയുടെ ഒരു എഞ്ചിനായി പ്രദര്‍ശനങ്ങള്‍ വികസിപ്പിക്കുന്നതിനുള്ള ബഹ്റൈന്റെ പ്രതിബദ്ധത കിരീടാവകാശി ആവര്‍ത്തിച്ചു.
റിയല്‍ എസ്റ്റേറ്റ് റെഗുലേറ്ററി അതോറിറ്റി ഡയറക്ടര്‍ ബോര്‍ഡ് ചെയര്‍മാന്‍ എസ്സാം ബിന്‍ അബ്ദുല്ല ഖലഫ്, ‘സിറ്റിസ്‌കേപ്പ് ബഹ്റൈന് 2025’ന്റെ നാലാം പതിപ്പിന്റെ പ്രാധാന്യം എടുത്തുപറഞ്ഞു. രാജാവിന്റെ ദീര്‍ഘവീക്ഷണമുള്ള അഭിലാഷങ്ങള്‍ക്കനുസൃതമായി നിക്ഷേപങ്ങള്‍ക്കും റിയല്‍ എസ്റ്റേറ്റ് പ്രദര്‍ശനങ്ങള്‍ക്കുമുള്ള ഒരു കേന്ദ്രമെന്ന നിലയില്‍ രാജ്യത്തിന്റെ പദവി ശക്തിപ്പെടുത്തുന്നതായി അദ്ദേഹം പറഞ്ഞു. പ്രദര്‍ശനത്തിന് പ്രിന്‍സ് സല്‍മാന്‍ നല്‍കിയ രക്ഷാധികാരത്തിന് അദ്ദേഹം നന്ദി പറഞ്ഞു.
