യാത്രയയപ്പ് നല്‍കി

New Project (24)

മനാമ: 47 വര്‍ഷത്തെ പ്രവാസ ജീവിതം മതിയാക്കി നാട്ടിലേക്ക് പോകുന്ന ടിപി അബ്ദുറഹ്‌മാന് അല്‍ മന്നായി കമ്മ്യൂണിറ്റീസ് അവയര്‍നെസ് സെന്റര്‍ (മലയാളം വിഭാഗം) റിഫ യൂണിറ്റ് യാത്രയയപ്പ് നല്‍കി. യൂണിറ്റ് സെക്രട്ടറി സമീര്‍ അലി സ്വാഗതം പറഞ്ഞ ചടങ്ങില്‍ അല്‍ മന്നായി മലയാളം വിഭാഗം ജനറല്‍ സെക്രട്ടറി എംഎം രിസാലുദ്ദീന്‍ അധ്യക്ഷത വഹിച്ചു.

അബ്ദു റഹ്‌മാന്‍ സാഹിബിന്റെ പ്രവാസ കാലത്തെ ദീനീ പ്രവര്‍ത്തനങ്ങള്‍ ഇസ്ലാഹി പ്രസ്ഥാനത്തിന് എത്രമാത്രം നേട്ടമുണ്ടാക്കി എന്നകാര്യത്തോടൊപ്പം ഇംഗ്ലീഷ് ഭാഷയിലും അറബി ഭാഷയിലും ഉള്ള അദ്ദേഹത്തിന്റെ പാണ്ഡിത്യവും രിസാലുദ്ദീന്‍ പ്രത്യേകം സ്മരിക്കുകയുണ്ടായി.

ആദ്യ കാലത്ത് ഗള്‍ഫ് ഡെയിലി ന്യൂസ് പത്രത്തില്‍ അബ്ദുറഹ്‌മാന്‍ ഇംഗ്ലീഷില്‍ എഴുതുന്ന കഥകള്‍ മലയാളികള്‍ക്കും പ്രത്യേകിച്ച് ഇസ്ലാഹി പ്രവര്‍ത്തകര്‍ക്കും ഏറെ അഭിമാനിക്കാന്‍ പറ്റുന്ന കാര്യമായിരുന്നു എന്ന് രിസാലുദ്ദീന്‍ കൂട്ടിച്ചേര്‍ത്തു.

മറ്റു കേന്ദ്ര നേതാക്കളായ ഹംസ കെ ഹമദ്, കോയ ബേപ്പൂര്‍, പിപി ഹനീഫ, കുഞ്ഞമ്മദ് ഇസ ടൌണ്‍, അബ്ദുറഹ്‌മാന്‍ ഇസ ടൗണ്‍, നൂര്‍ അടിയലത്ത്, നിസാര്‍, അബ്ദുല്‍ അസിസ്, അബ്ദുറഹ്‌മാന്‍, സ്വാലിഹ് അല്‍ ഹികമി എന്നിവര്‍ ആശംസകള്‍ നേര്‍ന്ന് കൊണ്ട് സംസാരിച്ചു. റിഫ യൂണിറ്റിന് വേണ്ടി കേന്ദ്ര സോഷ്യല്‍ വെല്‍ഫെയര്‍ സെക്രട്ടറി ഹംസ കെ ഹമദ് ടിപി അബ്ദുറഹ്‌മാന്‍ സാഹിബിന് മൊമെന്റോ നല്‍കി ആദരിച്ചു.

മുപ്പതാമത്തെ വയസ്സില്‍ പ്രവാസി ആയി ബഹ്റൈനില്‍ എത്തി 47 വര്‍ഷത്തോളം ബഹ്റൈന്‍ മിലിട്ടറി വിഭാഗത്തില്‍ ജോലി ചെയ്ത കാര്യം മറുപടി പ്രസംഗത്തില്‍ അദ്ദേഹം ഓര്‍ത്തെടുത്തു. ഏറെ നല്ല കാര്യങ്ങള്‍ ദീനിന് വേണ്ടി ചെയ്യാന്‍ സാധിച്ചു എന്നതില്‍ റബ്ബിനെ സ്തുതിച്ചു കൊണ്ട്, ഇംഗ്ലീഷ് ഭാഷയില്‍ തനിക്കുള്ള പ്രാവീണ്യം മനസ്സിലാക്കി കുറച്ച് സഹായികളുടെ സാനിധ്യത്തില്‍ ബഹ്റൈനില്‍ ആദ്യമായി ഇംഗ്ലീഷ് മീഡിയം ഇസ്ലാമിക് മദ്‌റസക്ക് തുടക്കം കുറിച്ചകാര്യം അദ്ദേഹം ഓര്‍മ്മിച്ചു.

കുട്ടികളുടെ മത പഠനം ഇംഗ്ലീഷില്‍ ആക്കേണ്ട സാഹചര്യം നിര്‍ബന്ധമാന്നെന്ന് മനസ്സിലാക്കി അതിന് വേണ്ടുന്ന പുസ്തകങ്ങള്‍ മറ്റു ഭാഷകളില്‍ നിന്നും അദ്ദേഹം തര്‍ജുമ ചെയ്യുകയുമുണ്ടായി. ചെറിയ ക്ലാസ് മുതല്‍ തുടങ്ങി ആ സംരംഭം ഇന്ന് ഏഴാം ക്ലാസ് വരെ ഉള്ള മദ്രസ്സകളിലായി ബഹ്റൈനില്‍ അനേകം കുട്ടികള്‍ക്ക് ദീന്‍ പഠിക്കാന്‍ കാരണമായതില്‍ താന്‍ ഏറെ കൃതാര്‍ത്ഥനാണെന്ന് അദ്ദേഹം പറഞ്ഞു.

ഖുര്‍ആന്‍ പഠനവും അത് പോലെ ഖുര്‍ആന്‍ ഖിറാഅത്ത് മത്സരങ്ങളിലും മുന്‍കാലങ്ങളില്‍ കേരളത്തെ പ്രതിനിധീകരിച്ച് കൊണ്ട് ബേംഗളൂരുല്‍ വെച്ച് മത്സരിച്ച കാര്യവും അദ്ദേഹം ഓര്‍ക്കുകയുണ്ടായി. മുജീബ് നൂഹ് നന്ദി പറഞ്ഞു.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Search

GCC News

More Posts

error: Content is protected !!