മനാമ: ബഹ്‌റൈനിലെ ചരിത്രവും സംസ്‌കാരവും പ്രകൃതിസൗന്ദര്യവും ആസ്വദിക്കുന്നതിനായി വോയ്സ് ഓഫ് ആലപ്പി ‘സര്‍ക്കീട്ട് 2025’ ഏകദിന യാത്ര സംഘടിപ്പിച്ചു. മുഹറഖിലെ പേര്‍ലിംങ്ങ് പാത്ത് വേയില്‍ നിന്നാണ് യാത്ര തുടങ്ങിയത്.
ബഹ്‌റൈനിലെ പ്രധാനപ്പെട്ട ചരിത്ര സ്മാരകങ്ങള്‍, പ്രാചീന കോട്ടകള്‍, പ്രകൃതി രമണീയമായ പാര്‍ക്കുകള്‍, മനോഹരമായ ബീച്ചുകള്‍, പൗരാണികമായ ആരാധനാലയങ്ങള്‍ തുടങ്ങിയവയെല്ലാം ഈ ഏകദിന യാത്രയില്‍ ഉള്‍പ്പെടുത്തിയിരുന്നു. രാത്രി 10 മണിയോടെ വാട്ടര്‍ ഗാര്‍ഡന്‍ സിറ്റിയില്‍ യാത്ര അവസാനിച്ചു.
സര്‍ക്കീട്ട് 2025 ന്റെ ഔദ്യോഗിക ഉദ്ഘാടനം വോയ്സ് ഓഫ് ആലപ്പി പ്രസിഡന്റ് സിബിന്‍ സലിം ഫ്‌ലാഗ് ഓഫ് ചെയ്ത് നിര്‍വഹിച്ചു. യാത്രയുടെ വിജയത്തിന് മുന്നില്‍ നിന്ന് പ്രവര്‍ത്തിച്ചത് കണ്‍വീനര്‍മാരായ സനില്‍ വള്ളിക്കുന്നം, അജിത് കുമാര്‍, അനസ് റഹീം, ഗോകുല്‍ കൃഷ്ണന്‍ എന്നിവരാണ്.
