മനാമ: കോഴിക്കോട് കണ്ണൂര്‍ വിമാനത്താവളങ്ങളിലേക്ക് നിര്‍ത്തി വെച്ച എയര്‍ ഇന്ത്യയുടെ വിമാന സര്‍വീസുകള്‍ പുനരാരംഭിക്കും എന്ന് കേന്ദ്ര വ്യോമയാന മന്ത്രി ഉറപ്പു നല്‍കിയതായി ഷാഫി പറമ്പില്‍ എംപി. ഈ വിഷയങ്ങള്‍ ചൂണ്ടികാണിച്ച് ഷാഫി പറമ്പില്‍ കേന്ദ്ര വ്യോമയന മന്ത്രി ശ്രീ റാം മോഹന്‍ നായിഡുവിന് കത്ത് നല്‍കിയിരുന്നു. അതിന്റ മറുപടിയിലാണ് വ്യോമയാന മന്ത്രി ഇക്കാര്യം വ്യക്തമാക്കിയത്.
സീസണല്‍ യാത്രാ രീതികളും അറ്റകുറ്റ പണികള്‍ മൂലവുമുണ്ടായ വിമാനക്ഷാമവുമാണ് താത്കാലികമായി വിമാനങ്ങള്‍ റദ്ദ് ചെയ്യാനുള്ള കാരണം എന്നും വരാനിരിക്കുന്ന ഷെഡ്യൂളുകളില്‍ പരമാവധി നിര്‍ത്തിവെച്ച സര്‍വീസുകള്‍ പുനസ്ഥാപിക്കുമെന്ന് എയര്‍ ഇന്ത്യ ഉറപ്പ് നല്‍കിയതായും ഇക്കാര്യം ഉറപ്പു വരുത്തുന്നതിനായി കൂടുതല്‍ ശ്രമങ്ങള്‍ നടത്തുമെന്നും കേന്ദ്ര മന്ത്രി ഷാഫി പറമ്പില്‍ എംപിയെ അറിയിച്ചു.
ബഹ്റൈന്‍ ഐവൈസി ഇന്റര്‍നാഷണല്‍ ചെയര്‍മാന്‍ നിസാര്‍ കുന്നംകുളത്തിങ്ങല്‍ ആണ് ഈ വിഷയം ഷാഫി പറമ്പില്‍ എംപിയുടെ ശ്രദ്ധയില്‍ പെടുത്തിയത്.
