മനാമ: റാസ് സുവൈദിലുള്ള ഗ്രില്‍ടെക് മെറ്റല്‍ പ്രൊഡക്ട് കമ്പനി കേരള ഭക്ഷ്യ സിവില്‍ സപ്ലൈസ് മന്ത്രി ജിആര്‍ അനില്‍ സന്ദര്‍ശിച്ചു. കമ്പനി ഡയറക്ടര്‍മാരായ ബിജു ജോണും സൗമ്യ ബിജുവും മറ്റ് സ്റ്റാഫ് അംഗങ്ങളും ചേര്‍ന്ന് ഹൃദ്യമായ സ്വീകരണമൊരുക്കി.
തുടര്‍ന്ന് കമ്പനി നടന്ന് കാണുകയും പ്രവര്‍ത്തങ്ങളെപ്പറ്റി ചോദിച്ചറിയുകയും തൊഴിലാളികളുമായി സംവദിക്കാനും മന്ത്രി സമയം കണ്ടെത്തി. മന്ത്രിയെ നേരിട്ട് കാണാനും സംസാരിക്കാനും കഴിഞ്ഞതിലുള്ള സന്തോഷം തൊഴിലാളികളും കമ്പനി സന്ദര്‍ശിച്ചതിലുള്ള നന്ദി ഡയറക്ടര്‍മാരും അറിയിച്ചു.
ബഹ്റൈന്‍ നവകേരള കോര്‍ഡിനേഷന്‍ സെക്രട്ടറിയും ലോക കേരള സഭാ അംഗവുമായ ജേക്കബ് മാത്യു, പ്രസിഡന്റ് എന്‍കെ ജയന്‍, സെക്രട്ടറി എകെ സുഹൈല്‍, ലോക കേരള സഭാ അംഗം ഷാജി മൂതല എന്നിവര്‍ മന്ത്രിയോടൊപ്പം ഉണ്ടായിരുന്നു.
