മനാമ: ബഹ്റൈനിലെ പ്രമുഖ സാംസ്കാരിക സംഘടനയായ കേരള കാത്തലിക് അസോസിയേഷന് സംഘടിപ്പിച്ച കലാ, സാംസ്കാരിക, സാഹിത്യ മേള കെസിഎ-ബി എഫ്സി ‘ദി ഇന്ത്യന് ടാലെന്റ് സ്കാന് 2025’ന്റെ ഗ്രാന്ഡ് ഫിനാലെ ഡിസംബര് 12ന് കെസിഎ ഹാളില് വെച്ച് നടക്കും. മത്സരങ്ങളില് 1000ലധികം കുട്ടികള് പങ്കെടുത്തിരുന്നു.
മികച്ച നടിക്കുള്ള സംസ്ഥാന അവാര്ഡ് നേടിയ വിന്സി അലോഷ്യസ് മുഖ്യാതിഥിയായി പങ്കെടുക്കും. ഗ്രാന്ഡ് ഫിനാലെയില് ബഹ്റൈനിലെ പ്രമുഖ സംഘടനയിലെ പ്രതിനിധികളും സാമൂഹ്യ പ്രവര്ത്തകരും പങ്കെടുക്കും. ടാലന്റ് സ്കാനിന് മികച്ച പിന്തുണ നല്കിയ മത്സരാര്ഥികളോടും അവരുടെ രക്ഷിതാക്കളോടും സ്പോണ്സര്മാരോടും അഭ്യുദയകാംക്ഷികളോടുമുള്ള അഗാധമായ നന്ദി അറിയിക്കുന്നുവെന്ന് സംഘാടകര് അറിയിച്ചു.
