മനാമ: ബഹ്റൈന് ദേശീയ ദിനാഘോഷത്തിന്റെ ഭാഗമായി ഫ്രണ്ട്സ് ഓഫ് ട്യൂബ്ലി വാക്വേ ബഹ്റൈന് ട്യൂബ്ലി വാകവേയില് ദേശീയ ദിനാഘോഷം സംഘടിപ്പിച്ചു. രാവിലെ 7 മണിക്ക് ആരംഭിച്ച പരിപാടികള്ക്ക് നിരവധി കുടുംബങ്ങളും അംഗങ്ങളും പങ്കെടുത്തു.
ദേശീയ പതാകയുമായി നടത്തിയ മാര്ച്ച് പാസ്റ്റ് പരിപാടിക്ക് തുടക്കമിട്ടു. തുടര്ന്ന് പ്രഭാത ഭക്ഷണം, കേക്ക് കട്ടിംഗ്, വിനോദ ഗെയിമുകള് തുടങ്ങിയ പരിപാടികള് ആഘോഷം വര്ണ്ണാഭമാക്കി.
പ്രസിഡന്റ് ഷംസ് വിപി അധ്യക്ഷത വഹിച്ച ചടങ്ങിന് ജനറല് സെക്രട്ടറി മുഹമ്മദ് ഷഫീര് പികെ സ്വാഗതം പറഞ്ഞു. സാമൂഹ്യ പ്രവര്ത്തകന് നജീബ് കടലായി ഉത്ഘാടനം നിര്വഹിച്ചു. സമൂഹ്യ പ്രവര്ത്തകര് മുസ്തഫ സുനില് ബാബു, സിഎച്ച് റഷീദ് മാഹി തുടങ്ങിയവര് മുഖ്യാതിഥികളായി പങ്കെടുത്തു. വൈസ് പ്രസിഡന്റ് ബാബുരാജ്, ഉപദേശക സമിതി അംഗം ശ്രീജിത്, സ്ഥാപകാഗം ബിബിന് മാടത്തേത്ത് എന്നിവര് ആശംസകള് അറിയിച്ചു.
ഉപദേശക സമിതി അംഗം സലിം തയ്യില് ചടങ്ങ് നിയന്ത്രിച്ചു. ബഹ്റൈന് എന്ന ആതിഥേയ നാടിന്റെ ഐക്യവും സൗഹൃദവും ദേശസ്നേഹവും ആഘോഷിക്കുന്ന ഇത്തരം പരിപാടികള് പ്രവാസി സമൂഹത്തില് ഐക്യബോധം വളര്ത്തുന്നതിന് സഹായകരമാണെന്ന് വക്താക്കള് അഭിപ്രായപ്പെട്ടു.
ഫ്രണ്ട്സ് ഓഫ് ട്യൂബ്ലി വാകവേ ജോയിന്റ് സെക്രട്ടറി ഫിറോസ്, അസിസ്റ്റന്റ് ട്രഷറര് ഷിഹാബ്, ചാരിറ്റി കണ്വീനര് മനോജ് നമ്പിയാര്, മെമ്പര്ഷിപ്പ് സെക്രട്ടറി രതീഷ്, എന്റര്ടൈന്മെന്റ് സെക്രട്ടറി ജോഫി,എക്സിക്യൂട്ടീവ് അംഗങ്ങളായ, സന്ദീപ്, സ്ഥാപകാഗം രാജേഷ്, നിഷാദ്, ഷാഹുല്, നസീം ഷിജി പരിപാടികള്ക്ക് നേതൃത്വം നല്കി. അംഗങ്ങളുടെ കായിക വിനോദവും ഗെയിമും പരിപാടിക്ക് മാറ്റ് കൂട്ടി. പങ്കെടുത്ത എല്ലാവര്ക്കും ട്രഷറര് ഷബീര് നന്ദി അറിയിച്ചു. 10 മണിയോടെ പരിപാടി അവസാനിച്ചു.
