മനാമ: വിദേശ രാജ്യങ്ങളിലെ കേരളീയര്ക്ക് സൗജന്യ നിയമോപദേശം ലഭ്യമാക്കുന്ന നോര്ക്ക റൂട്ട്സിന്റെ പ്രവാസി ലീഗല് എയ്ഡ് സെല്ലില് (പിഎല്എസി) സൗദി അറേബ്യ, യുഎഇ, ഒമാന്, ബഹ്റൈന്, ഖത്തര്, മലേഷ്യ എന്നീ രാജ്യങ്ങളിലേയ്ക്കുള്ള ലീഗല് കണ്സള്ട്ടന്റുമാരുടെ ഒഴിവുകളിലേയ്ക്ക് ഇപ്പോള് അപേക്ഷിക്കാം. അഭിഭാഷകനായി വിദേശ രാജ്യത്ത് രണ്ടു വര്ഷത്തെ പ്രവൃത്തി പരിചയം വേണം.
താല്പര്യമുളളവര് നോര്ക്ക റൂട്ട്സിന്റെ ഔദ്യോഗിക വെബ്സൈറ്റ് സന്ദര്ശിച്ച് 2026 ജനുവരി 14 നകം അപേക്ഷ നല്കേണ്ടതാണ്. കൂടുതല് വിവരങ്ങള്ക്ക് 0471-2770540 0471-2770529 (പ്രവൃത്തി ദിനങ്ങളില് ഓഫീസ് സമയത്ത്) എന്നീ നമ്പറുകളിലോ 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
