മനാമ: ബഹ്റൈനിലുടനീളമുള്ള ഹൈപ്പര്മാര്ക്കറ്റുകള്, സൂപ്പര്മാര്ക്കറ്റുകള്, കോള്ഡ് സ്റ്റോറുകള് എന്നിവിടങ്ങളില് വിലകള് പ്രദര്ശിപ്പിക്കുന്ന ഡിജിറ്റല് സ്ക്രീനുകള് സ്ഥാപിക്കാനുള്ള നിര്ദ്ദേശം ശക്തം. വില സുതാര്യത വര്ദ്ധിപ്പിക്കുന്നതിനും ഉപഭോക്താക്കളെ സംരക്ഷിക്കുന്നതിനും റമദാനിന് മുമ്പ് നിര്ദേശം നടപ്പില്വരുത്തണമെന്ന് എംപിമാര് ആവശ്യപ്പെട്ടു.
സ്ട്രാറ്റജിക് തിങ്കിംഗ് ബ്ലോക്ക് പ്രസിഡന്റും സാമ്പത്തിക, സാമ്പത്തിക കാര്യ കമ്മിറ്റി ചെയര്മാനുമായ എംപി അഹമ്മദ് അല് സല്ലൂമിന്റെ നേതൃത്വത്തില് അഞ്ച് എംപിമാരാണ് ഈ നിര്ദ്ദേഹം മുന്നോട്ടുവെച്ചത്. ഈ നിര്ദ്ദേശം പ്രകാരം, ഡിജിറ്റല് വിലനിര്ണ്ണയ സംവിധാനങ്ങള് നടപ്പാക്കാന് ചില്ലറ വ്യാപാരികളെ പ്രോത്സാഹിപ്പിക്കും.
‘റമദാന് ഉപഭോഗം വര്ദ്ധിക്കുന്ന ഒരു കാലഘട്ടമാണ്. പ്രത്യേകിച്ച് അവശ്യ ഭക്ഷ്യവസ്തുക്കളുടെ. സുതാര്യതയാണ് ഉപഭോക്താക്കള്ക്കും സത്യസന്ധരായ വ്യാപാരികള്ക്കും ഏറ്റവും മികച്ച സംരക്ഷണമാണ് വില പ്രദര്ശിപ്പിക്കല്. സ്ക്രീനുകളില് വിലകള് വ്യക്തമായി പ്രദര്ശിപ്പിക്കുകയും ഡിജിറ്റലായി അപ്ഡേറ്റ് ചെയ്യുകയും ചെയ്യുമ്പോള് ഷോപ്പര്മാര്ക്ക് വിലകള് തല്ക്ഷണം താരതമ്യം ചെയ്യാന് കഴിയും’, അല് സല്ലൂം പറഞ്ഞു.
