മനാമ: 2025 ല് ടൂറിസം മേഖല ശക്തമായ വളര്ച്ച കൈവരിച്ചെന്ന് ബഹ്റൈന് ടൂറിസം ആന്ഡ് എക്സിബിഷന്സ് അതോറിറ്റി. കഴിഞ്ഞ വര്ഷം 15 ദശലക്ഷത്തിലധികം ടൂറിസ്റ്റുകളാണ് ബഹ്റൈന് സന്ദര്ശിച്ചത്. ഏഷ്യന് യൂത്ത് ഗെയിംസ്, എവിസി പുരുഷ വോളിബോള് നേഷന്സ് കപ്പ് എന്നിവയുള്പ്പെടെ നിരവധി കായിക ഉത്സവങ്ങള്ക്ക് 2025 ല് ബഹ്റൈന് ആതിഥേയത്വം വഹിച്ചിരുന്നു. ഇത് മേഖലയിലുടനീളമുള്ള കാണികളെ രാജ്യത്തേക്ക് ആകര്ഷിച്ചു.
കഴിഞ്ഞ വര്ഷം ബഹ്റൈന് ലോകോത്തര സംഗീത കച്ചേരികളുടെ കേന്ദ്രമായി മാറി എന്നത് അവഗണിക്കാനാവാത്ത കാര്യമാണ്. മെറ്റാലിക്ക, പിറ്റ്ബുള്, എഡ് ഷീരന്, ദി സ്മാഷിംഗ് പമ്പിന്സ് തുടങ്ങിയ പ്രശസ്ത കലാകാരന്മാര് രാജ്യത്തിന്റെ പ്രശസ്തി ശക്തിപ്പെടുത്തി. പ്രാദേശിക ഉത്സവങ്ങള്ക്കും പരിപാടികള്ക്കും ഒപ്പം ഈ സംഗീതകച്ചേരികള് സന്ദര്ശകരെ ആകര്ഷിക്കുന്നതില് പ്രധാന പങ്കുവഹിച്ചു.
സ്പോര്ട്സ്, സാംസ്കാരിക ഉത്സവങ്ങള്, ഉയര്ന്ന നിലവാരമുള്ള വിനോദ പരിപാടികള് എന്നിവ സന്ദര്ശകര് രാജ്യത്ത് തങ്ങുന്നതിന് സഹായകമായതായി ടൂറിസം ഉദ്യോഗസ്ഥര് പറഞ്ഞു. ഹോട്ടലുകള്, വിമാനത്താവളങ്ങള്, ഗതാഗത ശൃംഖലകള് എന്നിവയുള്പ്പെടെ വികസിപ്പിച്ച അടിസ്ഥാന സൗകര്യങ്ങള് ടൂറിസം വളര്ച്ചയെ പിന്തുണച്ചു.
ടൂറിസം മേഖലയുടെ വികാസം ഹോസ്പിറ്റാലിറ്റി, റീട്ടെയില്, ഡൈനിംഗ്, ലോജിസ്റ്റിക്സ് മേഖലകളെയും പിന്തുണച്ചു. ഇത് ബഹ്റൈന്റെ സാമ്പത്തിക പ്രവര്ത്തനങ്ങളില് ഗണ്യമായ സംഭാവന നല്കി. സ്വകാര്യ മേഖലയുമായുള്ള തുടര്ച്ചയായ സഹകരണവും അന്താരാഷ്ട്ര നിക്ഷേപം ആകര്ഷിക്കാനുള്ള ശ്രമങ്ങളും വരും വര്ഷങ്ങളില് ടൂറിസം വളര്ച്ചയെ കൂടുതല് സഹായിക്കുമെന്ന് പ്രതീക്ഷിക്കുന്നതായി ഉദ്യോഗസ്ഥര് കൂട്ടിച്ചേര്ത്തു.
