മനാമ: ബഹ്റൈനിലെ ഖത്തര് അംബാസഡര് നാസര് അബ്ദുല്ല അല് നാസറിനെ കിരീടാവകാശിയും പ്രധാനമന്ത്രിയുമായ പ്രിന്സ് സല്മാന് ബിന് ഹമദ് അല് ഖലീഫ റിഫ കൊട്ടാരത്തില് സ്വീകരിച്ചു. കൂടിക്കാഴ്ചയില് ബഹ്റൈനും ഖത്തറും തമ്മിലുള്ള ചരിത്രപരമായ ബന്ധത്തിന്റെ ആഴവും ശക്തിയും കിരീടാവകാശി എടുത്തുപറഞ്ഞു.
ഇരു രാജ്യങ്ങളും തമ്മിലുള്ള ബന്ധത്തെ രാജാവ് ഹമദ് ബിന് ഈസ അല് ഖലീഫയും ഖത്തര് അമീര് ഷെയ്ഖ് തമീം ബിന് ഹമദ് അല് താനിയും ശക്തമായി പിന്തുണയ്ക്കുന്നുണ്ടെന്ന് അദ്ദേഹം പറഞ്ഞു. ഇരു രാജ്യങ്ങളിലെയും പൗരന്മാര്ക്ക് പരസ്പരം പ്രയോജനപ്പെടുന്ന തരത്തില് ഉഭയകക്ഷി സഹകരണം കൂടുതല് ശക്തിപ്പെടുത്തുന്നതിനുള്ള ബഹ്റൈന്റെ പ്രതിബദ്ധത അദ്ദേഹം വീണ്ടും ഉറപ്പിച്ചു.
ബഹ്റൈന്-ഖത്തര് ബന്ധം മുന്നോട്ട് കൊണ്ടുപോകുന്നതിനുള്ള രാജകീയ പ്രതിബദ്ധതയെ അല് നാസര് അഭിനന്ദിക്കുകയും രാജ്യത്തിന്റെ തുടര്ച്ചയായ പുരോഗതിക്ക് ആശംസകള് നേരുകയും ചെയ്തു. ധനകാര്യ, ദേശീയ സാമ്പത്തിക മന്ത്രി ഷെയ്ഖ് സല്മാന് ബിന് ഖലീഫ അല് ഖലീഫയും യോഗത്തില് പങ്കെടുത്തു.
