മനാമ: കൊല്ലം പ്രവാസി അസ്സോസിയേഷൻ അംഗങ്ങൾക്കും, കുടുംബാംഗങ്ങൾക്കുമായി സാഖീറിൽ ഡെസേർട്ട് വിന്റർ ക്യാമ്പ് സംഘടിപ്പിച്ചു. 150 ൽ പരം അംഗങ്ങൾ പങ്കെടുത്ത ക്യാമ്പ് കെ.പി.എ പ്രസിഡന്റ് അനോജ് മാസ്റ്റർ ഉത്ഘാടനം ചെയ്തു. യോഗത്തിനു ജനറൽ സെക്രട്ടറി പ്രശാന്ത് പ്രബുദ്ധൻ സ്വാഗതവും, ക്യാമ്പ് ജോയിന്റ് കൺവീനർ അനൂപ് തങ്കച്ചൻ നന്ദിയും അറിയിച്ചു.
സെക്രട്ടറിയേറ്റ് കമ്മിറ്റി അംഗങ്ങളായ കെ പി എ ട്രഷറർ മനോജ് ജമാൽ, സെക്രട്ടറി അനിൽ കുമാർ, വിന്റർ ക്യാമ്പ് കൺവീനർ ആയ ഫൈസൽ പത്തനാപുരം, വിന്റർ ക്യാമ്പ് ജോയിന്റ് കൺവീനർമാരായ സജീവ് ആയൂർ ,നവാസ് കരുനാഗപ്പള്ളി, ബിനു കുണ്ടറ , നിഹാസ് പള്ളിക്കൽ , ലിനീഷ് പി ആചാരി , കെ പി എ സ്ഥാപക പ്രസിഡന്റ് നിസാർ കൊല്ലം സൃഷ്ടി ജനറൽ കൺവീനർ ജഗത് കൃഷ്ണകുമാർ, സൃഷ്ടി സാഹിത്യ വിഭാഗം കൺവീനർ വിനു ക്രിസ്ടി, എന്നിവർ സന്നിഹിതരായിരുന്നു.
സൃഷ്ടി കലാകാരന്മാരുടെ വിവിധ കലാപരിപാടികളും, കുട്ടികൾക്കും മുതിർന്നവർക്കുമായി വിവിധ തരത്തിലുള്ള മത്സരങ്ങളും രാത്രി 8 മണി മുതൽ പുലർച്ചെ 3 മണി വരെ നീണ്ടു നിന്ന ക്യാമ്പിന് ആവേശമായി. സ്പോർട്സ് കമ്മിറ്റിയുടെ നേതൃത്വത്തിൽ വിവിധ കായിക മത്സരങ്ങളും ഉൾപ്പെടുത്തിയിരുന്നു. വിന്റർ ക്യാമ്പ് കമ്മിറ്റി, സെൻട്രൽ കമ്മിറ്റി, ഡിസ്ട്രിക്ട് കമ്മിറ്റി, പ്രവാസി ശ്രീ അംഗങ്ങൾ എന്നിവർ പരിപാടികൾക്ക് നേതൃത്വം നൽകി.
