മനാമ: സൗദി അറേബ്യ സന്ദര്ശനത്തിനായി കിരീടാവകാശിയും പ്രധാനമന്ത്രിയുമായ രാജകുമാരന് സല്മാന് ബിന് ഹമദ് അല് ഖലീഫ യാത്ര തിരിച്ചു. സന്ദര്ശന വേളയില് സൗദി അറേബ്യയുടെ കിരീടാവകാശിയും പ്രധാനമന്ത്രിയുമായ മുഹമ്മദ് ബിന് സല്മാന് ബിന് അബ്ദുല് അസീസ് അല് സൗദുമായി കൂടിക്കാഴ്ച നടത്തും.
ഇരു രാജ്യങ്ങളും തമ്മിലുള്ള ചരിത്രപരവും ആഴത്തില് വേരൂന്നിയതുമായ ബന്ധങ്ങളുടെയും പൊതു താല്പ്പര്യങ്ങള് മുന്നോട്ട് കൊണ്ടുപോകുന്നതിനുള്ള രാജ്യങ്ങളുടെ പങ്കിട്ട പ്രതിബദ്ധതയുടെയും ഭാഗമായാണ് സന്ദര്ശനം.
ഉപപ്രധാനമന്ത്രി ശൈഖ് ഖാലിദ് ബിന് അബ്ദുല്ല അല് ഖലീഫ, ആഭ്യന്തര മന്ത്രി ജനറല് ശൈഖ് റാഷിദ് ബിന് അബ്ദുല്ല അല് ഖലീഫ, പ്രധാനമന്ത്രിയുടെ കോടതി മന്ത്രി ശൈഖ് ഇസ ബിന് സല്മാന് ബിന് ഹമദ് അല് ഖലീഫ, ധനകാര്യ, ദേശീയ സാമ്പത്തിക മന്ത്രി ശൈഖ് സല്മാന് ബിന് ഖലീഫ അല് ഖലീഫ, കാബിനറ്റ് കാര്യ മന്ത്രി ഹമദ് ബിന് ഫൈസല് അല് മാല്ക്കി, സൗദി അറേബ്യയിലെ ബഹ്റൈന് അംബാസഡര് ശൈഖ് അലി ബിന് അബ്ദുള്റഹ്മാന് അല് ഖലീഫ, നിരവധി മുതിര്ന്ന ഉദ്യോഗസ്ഥര് എന്നിവരടങ്ങുന്ന ഒരു പ്രതിനിധി സംഘവും കൂടിക്കാഴ്ചയില് രാജ്യത്തെ പ്രതിനിധീകരിച്ച് പങ്കെടുക്കും.
