മനാമ: ചരിത്രപ്രസിദ്ധമായ ഈസ അല്-കബീര് പള്ളി ഔദ്യോഗികമായി തുറന്നു. രാജാവ് ഹമദ് ബിന് ഈസ അല് ഖലീഫയുടെ രക്ഷാകര്തൃത്വത്തില് അദ്ദേഹത്തിന്റെ പ്രതിനിധി ഷെയ്ഖ് അബ്ദുല്ല ബിന് ഹമദ് അല് ഖലീഫയാണ് കര്മം നിര്വഹിച്ചത്. ചടങ്ങില് ഉന്നത ഉദ്യോഗസ്ഥര്, മന്ത്രിമാര്, മുതിര്ന്ന ഉദ്യോഗസ്ഥര്, വിശിഷ്ടാതിഥികള്, പ്രമുഖ മത നേതാക്കള് പങ്കെടുത്തു.
ശൈഖ് അബ്ദുല്ല ബിന് ഹമദ് അല് ഖലീഫ പള്ളി അനാച്ഛാദനം ചെയ്യുകയും രാജാവ് ഹമദ് ബിന് ഈസ അല് ഖലീഫയുടെ ആശംസകള് അറിയിക്കുകയും ചെയ്തു. പള്ളിയുടെ ചരിത്രപരവും സാംസ്കാരികവുമായ പ്രാധാന്യവും ബഹ്റൈന്റെ സ്ഥാപക തലമുറകളുമായുള്ള അതിന്റെ ബന്ധവും അദ്ദേഹം ചടങ്ങില് പറഞ്ഞു.
ബഹ്റൈനിലും വിദേശത്തുമുള്ള വിദ്യാഭ്യാസ, സാംസ്കാരിക കേന്ദ്രങ്ങളെ ബന്ധിപ്പിക്കുന്ന അറിവിന്റെ പ്രതീകമായി വര്ത്തിക്കുക എന്നതാണ് പള്ളിയുടെ ലക്ഷ്യം. ആരാധനാലയങ്ങളുടെ നിര്മ്മാണവും വികസനവും വളര്ത്തിയെടുക്കുന്നതിന് രാജാവ് ഹമദ് ബിന് ഈസ അല് ഖലീഫയും കിരീടാവകാശിയും പ്രധാനമന്ത്രിയുമായ സല്മാന് ബിന് ഹമദ് ബിന് ഈസ അല് ഖലീഫയുടെ നേതൃത്വത്തിലുള്ള സര്ക്കാരും നല്കുന്ന ശക്തമായ പിന്തുണയെ ശൈഖ് അബ്ദുല്ല പ്രശംസിച്ചു.
