മനാമ: വിദ്യാർത്ഥികളുടെ സുരക്ഷ മുൻനിർത്തി ബഹ്റൈനിലെ എല്ലാ വിദ്യാഭ്യാസ സ്ഥാപനങ്ങളിലും നാളെ മുതൽ താൽക്കാലികമായി ഓൺലൈൻ ക്ലാസുകൾ (Remote Learning) ആരംഭിക്കുമെന്ന് വിദ്യാഭ്യാസ മന്ത്രാലയം അറിയിച്ചു. അടുത്ത നിർദ്ദേശം ഉണ്ടാകുന്നത് വരെ ഈ തീരുമാനം തുടരും.
എല്ലാ പ്രീ-സ്കൂളുകൾ, പൊതു-സ്വകാര്യ സ്കൂളുകൾ, ഉന്നത വിദ്യാഭ്യാസ സ്ഥാപനങ്ങൾ എന്നിവയ്ക്ക് ഈ നിർദ്ദേശം ബാധകമാണ്. അംഗീകൃത ഡിജിറ്റൽ പ്ലാറ്റ്ഫോമുകൾ ഉപയോഗിച്ച് ഓൺലൈൻ ക്ലാസുകൾ തുടർച്ചയായും കൃത്യതയോടെയും നടക്കുന്നുണ്ടെന്ന് എല്ലാ വിദ്യാഭ്യാസ സ്ഥാപനങ്ങളും ഉറപ്പുവരുത്തേണ്ടതാണ്.
സഹായത്തിനായി ബന്ധപ്പെടേണ്ട നമ്പറുകൾ: ഓൺലൈൻ ക്ലാസുകളിലേക്ക് മാറുന്നതുമായി ബന്ധപ്പെട്ട് സാങ്കേതിക സഹായങ്ങളോ സംശയങ്ങളോ ഉള്ള സ്ഥാപനങ്ങൾക്ക് വിദ്യാഭ്യാസ മന്ത്രാലയത്തിന്റെ കമ്മ്യൂണിക്കേഷൻ ആൻഡ് അറ്റാച്ചേഴ്സ് ഡയറക്ടറേറ്റുമായി ബന്ധപ്പെടാവുന്നതാണ്.
-
📲 വാട്സ്ആപ്പ്: +17873372 (24 മണിക്കൂർ സേവനം)
-
🌐 വെബ്സൈറ്റ്: www.moe.gov.bh
വിദ്യാഭ്യാസ പ്രക്രിയയുമായി ബന്ധപ്പെട്ട പുതിയ വിവരങ്ങൾ മന്ത്രാലയത്തിന്റെ ഔദ്യോഗിക പ്ലാറ്റ്ഫോമുകൾ വഴി യഥാസമയം അറിയിക്കുന്നതാണ്. ഔദ്യോഗിക സ്രോതസ്സുകളിൽ നിന്നുള്ള വിവരങ്ങൾ മാത്രം വിശ്വസിക്കണമെന്ന് മന്ത്രാലയം അഭ്യർത്ഥിച്ചു.
