മനാമ: നാഷണൽ ഹെൽത്ത് റെഗുലേറ്ററി അതോറിറ്റി (എൻ‌എച്ച്‌ആർ‌എ) യുടെ നേതൃത്വത്തിൽ നവംബർ 28-30 തീയതികളിൽ ഗൾഫ് കൺവെൻഷൻ സെന്ററിൽ ആദ്യ ബഹ്റൈൻ ഹെൽത്ത് റെഗുലേറ്ററി കോൺഫറൻസ് സംഘടിപ്പിക്കുന്നു. പവർഅപ്പ്, പെർഫെക്റ്റ് സൊല്യൂഷൻസ് അഡ്വർടൈസിംഗ് എന്നിവയുമായി സഹകരിച്ച് എഡ്യൂക്കേഷൻ പ്ലസ്, പ്രോംഡ് എന്നിവർ സർക്കാർ ആരോഗ്യ സ്ഥാപനങ്ങൾ, സ്വകാര്യ മേഖല, രാജ്യത്തിലെ മറ്റ് പ്രൊഫഷണൽ, വ്യവസായ സൊസൈറ്റികൾ എന്നിവയുടെ പിന്തുണയോടെയാണ് സമ്മേളനം സംഘടിപ്പിക്കുന്നത്. സമ്മേളനത്തിന്റെ ആദ്യ ദിനത്തിൽ എക്സിബിഷൻ നടത്തുന്നുണ്ട്. മൂന്ന് ദിവസത്തെ സമ്മേളനത്തിൽ പ്രഭാഷണ അവതരണങ്ങൾ, പാനൽ ചർച്ചകൾ, നെറ്റ്‌വർക്കിംഗ്, ആരോഗ്യ നിയന്ത്രണ പദ്ധതികളെക്കുറിച്ചുള്ള വർക്ക് ഷോപ്പുകൾ എന്നിവ ഉൾപ്പെടുന്നുണ്ട്. അതോടൊപ്പം ആരോഗ്യ സംരക്ഷണ വ്യവസായത്തിലെ നിക്ഷേപകർക്ക് ബിസിനസ്സ് അവസരങ്ങൾ നൽകുകയും ചെയ്യും.
എൻ‌എച്ച്‌ആർ‌എയുടെ ആദ്യ സമ്മേളനത്തിന്റെ പ്രധാന ലക്ഷ്യം പ്രാദേശിക, ആഗോള ആരോഗ്യ നിയന്ത്രണ പദ്ധതികളെക്കുറിച്ച് ചർച്ച ചെയ്യുക. പര്യവേക്ഷണം നടത്തുക എന്നിവയാണ്. അതോടൊപ്പം ആരോഗ്യസംരക്ഷണ ദാതാക്കൾ, ഫാർമസ്യൂട്ടിക്കൽ വ്യവസായങ്ങൾ, ആരോഗ്യസംരക്ഷണ ഓർഗനൈസേഷനുകൾ, രോഗികളുടെ സുരക്ഷ, മെഡിക്കൽ അധ്യാപകർ, മേഖലയിൽ നിന്നും ലോകത്തെമ്പാടുമുള്ള അക്രഡിറ്റേഷൻ സ്റ്റാൻഡേർഡ് വിദഗ്ധർ എന്നിവരെ ആരോഗ്യ നിയന്ത്രണങ്ങൾ നടപ്പിലാക്കുന്നതിനും കൈകാര്യം ചെയ്യുന്നതിനുമുള്ള സ്ഥിതിവിവരക്കണക്കുകൾ പങ്കുവെക്കുന്നതിനാണ് സമ്മേളനം ലക്ഷ്യമിടുന്നത്.
ബഹ്‌റൈനിൽ നിന്നും ജിസിസി മേഖലയിൽ നിന്നുമുള്ള പ്രധാന ആരോഗ്യ വിദഗ്ധരെ ആകർഷിക്കുക എന്നതാണ് സമ്മേളനത്തിന്റെ ലക്ഷ്യം. ആരോഗ്യസംരക്ഷണ മേഖലയെ നിയന്ത്രിക്കുന്നതിൽ നിർണായക പങ്ക് വഹിക്കുന്ന സ്ഥാപനങ്ങളെ ഒരുമിച്ച് കൊണ്ടുവരാനും ഇത് ലക്ഷ്യമിടുന്നു. ബഹ്റൈൻ, സൗദി അറേബ്യ, ജിസിസി രാജ്യങ്ങൾ എന്നിവിടങ്ങളിൽ ആരോഗ്യ നിയന്ത്രണങ്ങൾ നടപ്പാക്കുന്നുണ്ട്. ഇൻഷുറൻസ്, ടെക്നോളജി, തുടങ്ങിയ വിവിധ സംവിധാനങ്ങൾ അവതരിപ്പിക്കുന്ന ആരോഗ്യ ചട്ടങ്ങളിൽ വളരെയധികം പരിവർത്തനങ്ങൾ ഉണ്ടായിട്ടുണ്ട്. ആരോഗ്യ നിയന്ത്രണങ്ങൾ ഒരു ചർച്ചാവിഷയമാണ്. അത് എല്ലാ പങ്കാളികളും നോക്കേണ്ടതും ഇടപഴകുന്നതും അനുസരിക്കേണ്ടതുമാണ്. സ്റ്റോക്ക് ഹോൾഡേഴ്സിന് മികച്ച ആപ്ലിക്കേഷനുകൾ, അവസരങ്ങൾ, പ്രശ്നങ്ങൾ, പരിഹാരം നൽകുന്നതിൽ എല്ലാവരുടെയും പങ്ക് എന്താണെന്ന് മനസിലാക്കാൻ ഈ സമ്മേളനം ഒരു വേദിയാകുമെന്ന് സുപ്രീം കൗൺസിൽ ഓഫ് ഹെൽത്ത് ചെയർമാൻ, എക്സലൻസി ലെഫ്റ്റനന്റ് ജനറൽ ഡോ. ഷെയ്ഖ് മുഹമ്മദ് ബിൻ അബ്ദുല്ല അൽ ഖലീഫ പറഞ്ഞു.
