2014 ലോക്സഭ തെരെഞ്ഞെടുപ്പിൽ വോട്ടിംഗ് യന്ത്രത്തിൽ അട്ടിമറി നടന്നതായി യുഎസ് ഹാക്കറുടെ വെളിപ്പെടുത്തൽ

2014 ലെ ലോക്‌സഭാ തെരഞ്ഞെടുപ്പിൽ വോട്ടിംഗ് യന്ത്രത്തിൽ തിരിമറി നടത്തിയെന്ന അവകാശവാദവുമായി യു.എസ് ഹാക്കർമാർ രംഗത്ത്. ഉത്തർ പ്രദേശ്, മഹാരാഷ്ട്രാ, ഗുജറാത്ത് തെരഞ്ഞെടുപ്പുകളിലും ക്രമക്കേട് നടന്നതായും ഹാക്കർമാർ വെളിപ്പെടുത്തി. ബിജെപി നേതാവ്‌ ഗോപിനാഥ് മുണ്ടെയ്ക്ക് ഇക്കാര്യങ്ങൾ അറിയാമായിരുന്നതിന്നാലാണ്  മുണ്ടെ കൊല്ലപ്പെട്ടതെന്നും ഇവർ വെളിപ്പെടുത്തി. 2014 മുഖ്യ തിരഞ്ഞെടുപ്പ് കമ്മിഷണറായിരുന്ന വി.എസ്. സമ്പത്തിനും ഇക്കാര്യമറിയാമെന്നും ഹാക്കർമാർ കൂട്ടിച്ചേര്‍ക്കുന്നു. ലണ്ടനില്‍ നടന്ന ഹാക്കത്തിലാണ് ഹാക്കര്‍ ഈ സുപ്രധാന വെളിപ്പെടുത്തല്‍ നടത്തിയത്. തന്റെ ജീവന് ഭീഷണിയുണ്ടെന്ന് പറഞ്ഞ് മുഖം മറച്ചായിരുന്നു ഹാക്കര്‍ വീഡിയോയിലൂടെ ഇക്കാര്യം വെളിപ്പെടുത്തിയത്.