കോവിഡ് അതിജീവനത്തിന് ഇന്ത്യക്ക് ബഹ്റൈൻ്റെ കൈത്താങ്ങ്; 40 മെ​ട്രി​ക്​ ട​ൺ ലി​ക്വി​ഡ്​ ഓക്​​സി​ജ​നു​മാ​യി ര​ണ്ട്​ ക​പ്പ​ലു​ക​ൾ പുറപ്പെട്ടു

മനാമ: കോ​വി​ഡ്​ മഹാമാരി പിടിച്ചുലച്ച ഇ​ന്ത്യ​ക്ക്​ സഹായഹസ്തവുമായി ബ​ഹ്​​റൈൻ. ഇന്ത്യ നേരിടുന്ന കടുത്ത ഓക്​​സി​ജ​ൻ ക്ഷാ​മ​ത്തി​ന്​ ആശ്വാസം പകർന്ന് 40 മെ​ട്രി​ക്​ ട​ൺ ലി​ക്വി​ഡ്​ ഓക്​​സി​ജ​നു​മാ​യി ഇ​ന്ത്യ​യു​ടെ ര​ണ്ട്​ ക​പ്പ​ലു​ക​ൾ ബഹ്റൈനിൽ നിന്നും പുറപ്പെട്ടു. ഇ​തി​നാ​യി ​ ഐ.​എ​ൻ.​എ​സ്​ കൊ​ൽ​ക്ക​ത്ത, ​ ഐ.​എ​ൻ.​എ​സ്​ ത​ൽ​വാ​ർ എ​ന്നീ ക​പ്പ​ലു​ക​ൾ വെ​ള്ളി​യാ​ഴ്​​ച മ​നാ​മ തു​റ​മു​ഖ​ത്തെ​ത്തിയിരുന്നു. മൂന്ന് ദിവസത്തെ യാത്രക്കൊടുവിൽ ഓക്സിജനുമായി കപ്പലുകൾ ഇന്ത്യയിൽ തിരികെ എത്തിച്ചേരും. ര​ണ്ട്​ ക്ര​യോ​ജ​നി​ക്​ ക​ണ്ടെ​യ്​​ന​റു​ക​ളി​ലാ​ണ്​ ഓക്​​സി​ജ​ൻ കൊ​ണ്ടു​പോ​കു​ന്ന​ത്. ഓക്​​സി​ജ​ന്​ പു​റ​മേ ഓക്​​സി​ജ​ൻ ജ​ന​റേ​റ്റ​റു​ക​ളും ബ​ഹ്​​റൈ​ൻ ഇ​ന്ത്യ​ക്ക്​ വാ​ഗ്​​ദാ​നം ചെ​യ്​​തി​ട്ടു​ണ്ട്.

കോവിഡ് കേസുകൾ കുത്തനെ ഉയരവെ ഇ​ന്ത്യ​ക്ക്​ ഓക്​​സി​ജ​നും മ​റ്റ്​ ജീ​വ​ൻ ര​ക്ഷാ ഉ​പ​ക​ര​ണ​ങ്ങ​ളും ന​ൽ​കാ​ൻ തി​ങ്ക​ളാ​ഴ്​​ച ചേ​ർ​ന്ന ബഹ്റൈൻ മ​ന്ത്രി​സ​ഭ യോ​ഗ​മാ​ണ്​ തീ​രു​മാ​ന​മെ​ടു​ത്ത​ത്. മ​റ്റ്​ ഗ​ൾ​ഫ്​ രാ​ജ്യ​ങ്ങ​ളും അ​മേ​രി​ക്ക​യും റ​ഷ്യ​യും ഉ​ൾ​പ്പെ​ടെ​യു​ള്ള ലോ​ക രാ​ജ്യ​ങ്ങ​ളും ഇ​ന്ത്യ​ക്ക്​ സ​ഹാ​യം പ്ര​ഖ്യാ​പി​ച്ച്​ രം​ഗ​ത്തെ​ത്തി​യി​രു​ന്നു. ഇ​തി​നൊ​പ്പ​മാ​ണ്​ ബ​ഹ്​​റൈ​നും സ​ഹാ​യ വാ​ഗ്​​ദാ​ന​വു​മാ​യി എ​ത്തി​യ​ത്.