മനാമ: കെ ആർ എൽ സി സി ബഹ്റൈൻ യൂണിറ്റിന്റെയും ആലപ്പുഴ രൂപതാ പ്രവാസികാര്യ കമ്മീഷൻ ബഹ്റൈൻ യുണിറ്റിന്റെയും നേതൃത്വത്തിൽ ഈ വർഷത്തെ ലത്തീൻ (റോമൻ) കത്തോലിക്കദിനം സമുചിതമായി ആചരിച്ചു.
“സഹോദരന്റെ കാവലാൾ ആകുക ” എന്നതായിരുന്നു ഈ വർഷത്തെ ആപ്തവാക്യം. വിവിധ രാജ്യങ്ങളിൽ നിന്നുള്ള പ്രവാസികളും സംഘടന നേതാക്കളും പങ്കെടുത്ത വെബിനാർ കോഴിക്കോട് രൂപത മെത്രാനും KRLCBCയുടെ പ്രവാസികാര്യ വിഭാഗം ചെയർമാനുമായ അഭിവന്ദ്യ റൈറ്റ് .റവ: ഡോ. വർഗ്ഗീസ് ചക്കാലക്കൽ പിതാവ് ഉദ്ഘാടനം ചെയ്തു. ക്രിസ്തു ചൈതന്യവും വിശ്വാസവും ക്രിസ്തുമാർഗ്ഗവും ആർജ്ജവത്തോടെ പ്രഖ്യാപിക്കണമെന്ന് ബിഷപ്പ്‌ വർഗ്ഗീസ് ചക്കാലക്കൽ ഉദ്ബോധിപ്പിച്ചു. അനുഗ്രഹ പ്രഭാഷണം നടത്തിയ ആലപ്പുഴ ബിഷപ്പ്‌ ജയിംസ്‌ പിതാവ്
ക്രിസ്ത്യാനികൾ മറ്റുള്ളവരുടെ ഇരകളാകാതെ സംരക്ഷകരാകണമെന്നും, കാവൽക്കാരാകണമെന്നും ഓർമ്മിപ്പിക്കുകയുണ്ടായി.
ജോൺസൺ ജോസഫ് തേറാത്ത് അദ്ധ്യക്ഷത വഹിച്ച ചടങ്ങിൽ ആശംസകൾ നേർന്ന് കൊണ്ട് KRLCC സംസ്ഥാന വൈസ് പ്രസിഡന്റ് ഷാജി ജോർജ് , KLCA State General Secretary Adv. ഷെറി തോമസ്, KCYM Latin(Roman) State President Mr. അജിത്ത് തങ്കച്ചൻ , FR. മെട്രോ സേവ്യർ OSA , FR.തോമസ്സ് ഷൈജു, KRLCC Dubai Unit President MR.സ്റ്റീഫൻ ജോർജ്ജ്, ആലപ്പുഴ രൂപത പ്രവാസ്വകാര്യ കമ്മീഷൻ കേന്ദ്ര കമ്മറ്റി കൺവീനർ പോൾ ഗ്രിഗറി, KLCK Kuwait President സുനിൽ ജസ്റ്റിൻ എന്നിവർ സംസാരിച്ചു. തുടർന്ന് പ്രവാസികളും സാമുദായിക ശാക്തീകരണവും എന്ന വിഷയത്തിൽ മുൻ എം.പിയും ആലപ്പുഴ രൂപത പ്രവാസികാര്യ കമ്മീഷൻ കേന്ദ്രക്കമ്മറ്റി കോഡിനേറ്റർ ഡോ: കെ.എസ് മനോജ് വിഷയം അവതരിപ്പിച്ചു. അർത്ഥസമ്പുഷ്ടവും ലക്ഷ്യബോധവും പകർന്നു നൽകിയ ഈ വർഷത്തെ ലത്തീൻ കത്തോലിക്ക ദിനം സാമുദായിക ശാക്തീകരണത്തിന്റെ കാലികപ്രസക്തി വിളിച്ചോതുന്നയിരുന്നു. പൊതുസമ്മേനത്തിന് സനു ജോൺ കക്കരിയിൽ സ്വാഗതവും, പീറ്റർ സോളമൻ നന്ദിയും പറഞ്ഞു. പ്രവീൺ കുമാർ, ജിജോ ഡൊമനിക്, റോയി തോബിയാസ്, പ്രവീൺ ജെറോം എന്നിവർ നേതൃത്വം നൽകി.
